Números 14:35 - Bible in Tzeltal de Oxchuc y Tenejapa

³⁵ Jo'on Ajwalilon, ya cal te jich ya jpasbey te lum te c'ax ma lecuc yo'tanic, te jun yac'oj sbaic ta scontroinbelonique. Li' ta jochol taquin q'uinal ya me xc'ot slajibal c'aal yu'unic, ya me xlajic jilel”, uta me —xi' te Cajwaltique.

Bible in Tzeltal Bachajón

³⁵ Ho'on, Jehovahon, la jcalix. Hich ya jpasbe spisil te pueblo ini te ma lecuc yo'tanic, te jun yac'oj sbahic ta scontrahimbelonique. Li' ta jochol taquin q'uinal ya me xlajic, tey ya xchamic hilel a, xchi.

Números 14:35 Referans Kwoze

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

1 Corintios 10:5

Ja'uc me to, te yantique, la spasic te bila ma lecuc yo'tan Dios yu'un. Jich lajic jilel tey a ta bay te jochol taquin q'uinale.

Hebreos 3:19

Tey chican ya quiltic ta jamal a te ma ju' yu'unic te ochic bael tey a scaj te ma la xch'uunique.

Números 26:65

melel te Cajwaltic la yalbey sc'oplal te ya xlajic jilel ta jochol taquin q'uinal. Ja' nax Caleb, te snich'an Jefone, soc Josué te snich'an Nun, te cuxul jilique, ma'yuc bay jtuluc jil te yantique.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

Salmos 78:33

Ja' yu'un Dios lajinbot xcuxlejalic yu'un, jich nax te bit'il ya jic' co'tantic, la slajin ta buen tulan wocol te mero xiweltic sbae.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.