Números 14:34 - Bible in Tzeltal de Oxchuc y Tenejapa

³⁴ Ja'ex cha'winic (40) c'aal jalajex ta stsajtayel te q'uinale, jich nix me ya awich'ic castigo cha'winic (40) ja'wil, jujun ja'wil me ya xc'ot te jujun c'aale. Jich me ay ta na'el a te ma lecuc te mach'a ya scontroinone”, uta me.

Bible in Tzeltal Bachajón

³⁴ Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Números 14:34 Referans Kwoze

Ezequiel 4:6

Te c'alal ya xts'acaj awu'un te sc'aalelal ya me amejts'an aba ta awa'el. Ya me awac' c'otuc ta atojol te smul Judá cha'winic (40) c'aal, jujun c'aal swenta jujun ja'wil mulil c'oem.

Números 13:25

Te c'alal laj yo'tanic ta yoclinel q'uinal ta cha'winic (40) c'aal, sujt'ic bael

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Hebreos 4:1

Jich yu'un ya sc'an ya jtsajtay jbajtic ta jpisiltic, melel ay to ta jwentatic te bila yaloj Dios te ya xju' ya x'ochotic ta bay te cux-o'tan yu'un te Diose. Ja' wocol teme ay ma x'ochex tey a te ja'exe.

Salmos 95:10

Cha'winic (40) ja'wil ilinon yu'un te alnich'an cu'une, soc jich la cal yu'un: “Te ants-winiquetic q'uejel nix baem yo'tanic a; ma xch'uunbonic te mandaliletic cu'une.

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Zacarías 11:10

La jtsac te jnabate' “Utsilal” sbiil, la jc'as swenta seña te jin te trato yu'un Dios spasoj soc ta spisil te nacionetique.

Ezequiel 14:10

Te winic te ay bila ya sjojc'oye, soc te j'alwanej te ya yac'bey sujt'ibe, pajal me ya yich'ic castigo yu'un smulic,

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.

Salmos 77:8

¿Yu'un bal lajemix te xc'uxul yo'tane? ¿Jc'axel bal lajemix sc'oplal te bila chapal yu'un ta jtojoltique?

Salmos 38:4

Te muliletic jpasoj c'ax bayalix yalal ta cuchel. Ma xju'ix cu'un.

1 Reyes 8:56

—¡Bin nax yutsil te Cajwaltic te la yac' lamajuc q'uinal ta stojol te lum Israel yu'une! Melel spisil yacal ta c'oel ta pasel te bitic lec xchapoj ta swenta te yabat Moisese.

Números 18:23

Te levitaetic ja'ic nax me stuquelic ya yat'elinic abatinel ta Nailpac' te bay ya quich' c'oponele, soc ja'ic nix ay ta swentaic te bitic mulil te ya staique. Ja' me mandalil cu'un sbajt'el q'uinal te ya xc'ax ta stojol me'il-tatiletic soc alnich'anetic. Te levitaetic ma me ayuc sq'uinalic ta Israel.

Levítico 20:19

“Ma me xwayat soc te xwix o yijts'in te ame'e, soc ma me xwayat soc te xwix o yijts'in-ach'ix te atate, melel teme jich ya apas te bit'il ma yanuc parte awu'une, ta achebalic me ya acuchic te amulique.

Hechos 13:18

Ay niwan cha'winic (40) ja'wil te la sts'icbey te amen yat'elic ta bay te muc'ul jochol taquin q'uinale.

Deuteronomio 2:7

Te Cajwaltic Dios awu'unique, yac'ojbeyex bendición ta spisil a te bitic apasojique. Te cha'winic (40) ja'wil ma la spijt'esex, la scanantayex ta beel tey ta muc'ul jochol taquin q'uinal, ma'yuc bila la spasex falta tey a.

Ezequiel 4:5

Ya xjalajat ta metslej lajuneb ma xloc' jbajc' (390) c'aal tey a. Te jujun c'aale, jujun me ja'wil c'oem yu'un te smul Israele.

Números 32:13

Te Cajwaltic ilin ta stojol te israeletique. Jich la yac' beenuc ta muc'ul jochol taquin q'uinal cha'winic (40) ja'wil, ja' to c'alal ma'yuquix mach'a cuxul jilel te mach'atic la sle smulic te amen yat'elique.

Josué 14:10

Ora yo'tic c'axemix jo'eb yoxwinic (45) ja'wil te bit'il jich la yal te Cajwaltic ta stojol Moisés, te c'alal yacotic to ta beel ta jochol taquin q'uinal soc a te jlumaltic israeletic. Te bit'il la yalbon te Cajwaltique, jich nix la scanantayon tel. Cuxulon yu'un ta ora to, ayix jo'eb yo'winic (85) ca'wilal yo'tic.

Ezequiel 23:35

“Ja' yu'un jo'on Ajwalilon te jich ya cale: Melel la ach'ayon ta awo'tan soc la awalac'patiyon. Ja' yu'un ya me awil awocol ta castigo yu'un te la awac'bey awo'tan te mulile, soc te la awac' aba ta jmulawil antse —xi' te Cajwaltique.

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.