Números 14:27 - Bible in Tzeltal de Oxchuc y Tenejapa

²⁷ —¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Bible in Tzeltal Bachajón

²⁷ ¿Jayeb xan tiempo ya xcuhch cu'un te chopol pueblo ini te ya scontrac'optayonic? La jca'iybeyix te spartehic te snich'nab Israel te la yalbonique.

Números 14:27 Referans Kwoze

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

Números 14:11

Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

Éxodo 16:28

Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

San Mateo 17:7

Te Jesús noptsaj tel, tal spic, soc la yalbey yaiyic: —Jajch'an, tec'lanic. Ma me xiwex —la yut.

Éxodo 16:7

ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 14:26

Te Cajwaltic la sc'opon te Moisés soc Aarón, jich la yalbey:

Éxodo 16:9

Jich yu'un te Moisés la yalbey te Aarón: —Albeya spisil te jlumaltic ac'a taluquic ta stojol te Cajwaltique, melel la yaiyix stojol te sbol-c'opique —xi' te Moisese.

Ezequiel 35:13

La ajam awe, la awixtac'optayon, la awal bayal amen c'op ta jtojol. Jo'on la caiy spisil.