Números 14:24 - Bible in Tzeltal de Oxchuc y Tenejapa

²⁴ Ja' nax me stuquel te cabat Caleb te yan yilel yutsil yo'tan stuquel, te jun yo'tan xch'uunejbon te jmandale. Ja' nax stuquel ya cac' ochel ta q'uinal te xc'otuc yilixe, soc te sts'umbal ja'ic me ya xnajc'ajic tey stuquelic a.

Bible in Tzeltal Bachajón

²⁴ Yan te ca'bat Caleb, te bin ut'il yan yilel yo'tan a soc te jun yo'tan la st'unon bahel, ya cac' ochel ta q'uinal te banti c'oht yilix talel, soc te sts'umbal ya me yu'untayic te q'uinale.

Números 14:24 Referans Kwoze

Efesios 6:6

Ac'a abaic ta abatinel, ma yejt'aluc te ya yilexe, jich bit'il te mach'atic ya sc'anic te lec ya x'ilot yu'un te ants-winiquetique. Jichuc me ta awo'tanic te ja' yabatex te Cristoe, socuc me awo'tanic ya apasic te bila ya sc'an yo'tan te Diose.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Deuteronomio 1:36

Ja' nax ma jichuc sc'oplal cu'un stuquel te Caleb snich'an Jefone. Ja' nax me stuquel ya xju' ya cac'bey yil soc te patil alnich'anetic yu'une. Ya me xju' ya cac'bey yich'ic te q'uinal te la stec' ta yacan stuquel, swenta bit'il mero jun yo'tan la yac' sba ta jtojol jo'on te Yajwalone”, xi' te Cajwaltique.

Números 26:65

melel te Cajwaltic la yalbey sc'oplal te ya xlajic jilel ta jochol taquin q'uinal. Ja' nax Caleb, te snich'an Jefone, soc Josué te snich'an Nun, te cuxul jilique, ma'yuc bay jtuluc jil te yantique.

Números 13:30

Jich yu'un te Caleb la scom ta c'op te lum te ayic ta stojol Moisés, jich la yal: —¡Ya me xba cu'unintic te q'uinale! ¡Ya xju' cu'untic yich'el! —xi'.

Colosenses 3:23

Spisil te bila ya apasique, soc awo'tan xapasic. Jichuc me ta awo'tanic te ja' yaquex ta at'el yu'un te Cajwaltique, ma ja'uc te ants-winiquetique.

Salmos 119:80

Tojobenuc me co'tan yu'un te mandaliletic awu'un, swenta yu'un ma ba ya jta q'uexlal.

2 Crónicas 25:2

Te yat'el Amasías lec ta sit Cajwaltic, pero ma mero jc'axeluc lec la yac' sba.

1 Crónicas 29:18

Cajwal, Diosat yu'un Abraham, Isaac soc Israel, ja' te antiguo jwolwanejetic cu'untique, canantaya te toyoluc me yo'tanic spisil ora ta atojol te lum awu'une, soc ac'beya sna'at ta yo'tanic spisil ora.

1 Crónicas 29:9

Te lume bin nax yo'tanic yu'un ta c'axem to xan, yu'un ay bayal la yaq'uic swenta spasel te templo. Melel ja' la yac'beyic te Cajwaltic ta swenta mero yutsil te yo'tanique. Jich te muc' ajwalil David mero bin nax yo'tan yu'un.

Deuteronomio 6:5

“Te Cajwaltic te Dios cu'untique, c'ux me x'awaiy ta awo'tan, ta spisil awo'tan, ta spisil acuxlejal, soc ta spisil awip.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Salmos 119:145

Cajwal, ta spisil co'tan ya jc'oponat; jac'bon me jc'op, yu'un ya jc'an ya jc'otes ta pasel te mandaliletic awu'une.

Números 14:30

Ja' nax cuxul ya xjil stuquel te Caleb soc te Josué, ni jtuluc te ja'ex ya x'ochex ta q'uinal te c'an ba aq'uinalinic te jichuque.