Números 14:22 - Bible in Tzeltal de Oxchuc y Tenejapa

²² Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Bible in Tzeltal Bachajón

²² spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

Números 14:22 Referans Kwoze

Job 19:3

Bayal buelta ya awuts'inonic ta c'op; ¿yu'un bal ma ba ya xq'uexawex yu'un te jich ya apasbonique?

Salmos 106:26

Jich la stoy moel sc'ab, la yal ta jamal te ya yac' lajuquic jilel ta jochol taquin q'uinal,

Génesis 31:7

Ja'uc me to, bayal slo'layejon, c'ax bayal buelta la sujt'es sc'op, pero te Diose ma la yac'on ta uts'inel yu'un.

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Hebreos 3:9

Tey la yilbonic co'tan a te me'il-tatiletic awu'unique, manchuc teme cha'winic ja'wil te la yilbonic te bila la jpas ta stojolique.

1 Corintios 10:9

Soc ma me xquilbeytic yo'tan te Cajwaltique, jich te bit'il ay la yil-o'tantayique, jich lajic ta ti'el ta chan yu'un.

1 Corintios 10:5

Ja'uc me to, te yantique, la spasic te bila ma lecuc yo'tan Dios yu'un. Jich lajic jilel tey a ta bay te jochol taquin q'uinale.

San Mateo 4:7

Jesús la yalbey: —Soc jich ts'ibubil ta Sjun Dios: “Ma me x'awilbey yo'tan te Cajwaltic te Dios awu'une”, te xie —xi'.

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

Salmos 106:14

C'alal ayiquix ta jochol taquin q'uinal, tey la yilbeyic yo'tan a te Diose; la sujic ta spasel te bitic la sc'an yo'tanic.

Números 14:11

Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

Éxodo 14:11

Soc jich la yalbeyic te Moisés: —¿Yu'un bal ma wejt'ix muquenaletic ta Egipto te la aloq'uesotic tel tey a, te tal awac' lajucotic ta muc'ul jochol taquin q'uinale? ¿Bistuc jich la apasbotic? ¿Bistuc la aloq'uesotic tel ta Egipto?

Génesis 31:41

Jich la jpas spisil ora te jtab ja'wil joinejat. Chanlajuneb ja'wil la cac' jba ta abatinel awu'un ta swenta te cheb awantsil-nich'nabe. Soc waqueb xan ja'wil la cac' jba ta abatinel ta atojol yu'un te la awalbon te ya awac'bon a te chambalametic awu'une. C'ax bayal buelta la asujt'es ac'op, ma ja'uc jtojol c'ot awu'un te bila la awalbon ta neelale.

Éxodo 5:21

Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Éxodo 15:24

Te lum jajch'ic ta sbolc'optayel te Moisés, jich la yalbeyic: —¿Bi ya cuch'tic? —xiic.

Éxodo 16:2

Ta jochol taquin q'uinal tey jajch'ic ch'inlajanel ta c'op ta scontroinel a te Moisés soc te Aarone.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Éxodo 17:7

Meriba c'ot sbiil yu'un, melel tey jajch'ic ta ch'inlajanel a te israeletique. Soc Masah la yac'bey xan sbiil, melel tey la yilbey yo'tan a te Diose. Yu'un jich la yalic: —¿Sjoinejotic bal te Cajwaltique, o ma ba sjoinejotic? —xiic.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 11:4

Te israeletic ay mach'atic tsobolic te capalic soc, bayal ta jchajp te ja' nax ay ta yo'tanic te we'ele. Te israeletic la sc'ainbey yo'tanic, jajch'ic ta oq'uel. Jich la yalic: —¡Ayuc laj ti'bal jti'tic caiytic!

Números 12:1

Te María soc Aarón jajch' slabanic Moisés, yu'un nujbinem soc etiope-ants.

Números 14:2

Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Deuteronomio 9:7

“Ya me sc'an te ma xch'ay ta awo'tanic te la awac' ilinuc yo'tan ta jochol taquin q'uinal te Cajwaltic te Dios cu'untique. Te c'alal loq'uex tel ta Egipto, ja' to te julex tel li'to, spisil ora ya atoy abaic ta stojol.

Salmos 78:41

La xcha'pasic xan ta prueba; jich la yaq'uic c'opojuc yo'tan te Ch'ul Dios yu'un Israel.

Daniel 1:20

Ta spisil te bitic ya sc'an p'ijil-o'tanil, soc ya sc'an lec snopjibale, ja'ic te jojc'obotic yu'un te muc' ajwalile. Te muc' ajwalile, lajuneb buelta toyem sp'ijilic la stabey a, te bit'il mach'atic ay sp'ijilic soc te ay bila ya sna'ic syoljoltayel ta banti ay ta ajwalile.

Números 32:12

Ja' nax stuquel te Caleb, te snich'an Jefone te Cenezeo-winic, soc te Josué, te snich'an Nun, te jun yo'tan la xch'uunbonic jmandal”, la yut.

Isaías 42:20

Bayal bitic ya yil, ja'uc me to, ma xyil c'oem; ya xju' ya yaiy stojol, ja'uc me to, xujt' ma xc'ot ta yo'tan.