Números 14:21 - Bible in Tzeltal de Oxchuc y Tenejapa

²¹ Ja'uc me to, te jo'on ya cal ta jamal, soc ya me xc'ot ta pasel te bila ya cale. Ja' prueba yu'un ta atojolic te cuxulon ya awilic, soc te nojel ta q'uinal te yutsilal jxojobile.

Bible in Tzeltal Bachajón

²¹ Pero hich te bin ut'il smelelil te cuxulon soc te ya xnoj ta bahlumilal te cutsilale,

Números 14:21 Referans Kwoze

Habacuc 2:14

Te yutsilal Cajwaltic ya me xna'ot ta bayuc, ya me snojes ta spamal balumilal, jich bit'il ja' ya xnoj yu'un te mare.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Isaías 49:18

Toya moel te asite, ilawil ta sjoyobal, ilawil bit'il ya stsob xan sbaic spisilic soc ya sujt'ic tel ta atojol. “Jo'on Ajwalilon te cuxulone, ya cal ta jamal, ta spisilic jichic bit'il xch'alil ac'u' te ya alape, jich c'oem te bit'il xch'alil jtul ach'ix te ya xnujbinixe.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

Deuteronomio 32:40

Ya jtoy moel jc'ab ta ch'ulchan, jc'axel ya cal: Jtalel ayon sbajt'el q'uinal.

San Mateo 6:10

Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Ezequiel 18:3

Jo'on te cuxul Ajwalilon, ya cal ta jamal: Ma me ayuquix bi ora ya yich' alel xan ta Israel te p'ijil c'op in to.

Ezequiel 5:11

Jo'on Ajwalilon te jich ya cal ta jamal swenta bit'il cuxulon, melel la aboltesbonic te ch'ul templo cu'une, ta scaj te loc'ombaetic soc ilaybil sba te awat'elique. Ja' yu'un ya me jlajinex, ma me ba ya jna'beyex yo'bolil abaic.

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

Números 14:28

Baan albeya yaiyic ta jwenta: “Jo'on Ajwalilon te cuxulone, ya cal ta jamal: Te bila la caiy stojol te yacalex ta yalele, jich nix ya cac' c'otuc ta pasel.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Salmos 57:6

Te jcontrotac la spasbonic jpejts'ul, sayalonix yu'un ya caiy; la sjutic ch'en te banti ya xc'axon ta beele, pero ja'ic nix ch'ayic coel tey a.