Números 14:2 - Bible in Tzeltal de Oxchuc y Tenejapa

² Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Bible in Tzeltal Bachajón

² Spisil te snich'nab Israel la scontrac'optayic te Moisés soc Aarón, hich la yalic: ¡Lec te chamucotic ta Egipto! ¡O lec te ya xchamotcotic li' ta jochol taquin q'uinal ini!

Números 14:2 Referans Kwoze

Éxodo 15:24

Te lum jajch'ic ta sbolc'optayel te Moisés, jich la yalbeyic: —¿Bi ya cuch'tic? —xiic.

Números 16:41

Ta yan c'aal spisil te lum Israel jajch'ic ta scontroinel ta c'op te Moisés soc te Aarón, jich la yalbey: —Te ja'exe yacalex ta smilel te lum yu'un Cajwaltic —xiic.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Judas 1:16

Ja'ic in to, jmuquen-ayantaywanejetic, jc'an-parteetic, te ja' nax baem ta yo'tanic te bila ya smulanique. Nojel ta yeic toybail. Ya sleic bit'il ya slo'laybeyic yo'tan yantic, yu'un ay bila ya sc'an ya staic a.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

Jonás 4:8

C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Salmos 106:24

Ta patil la yilayic te lumq'uinal te t'ujbil yutsilal, soc ma la xch'uunic te bitic yaloj ta jamal te Diose;

Deuteronomio 1:27

Ta anaic jajch'ex ta muquen aiyej, jich la awalic: “Te Cajwaltic ma sc'anotic. La sloq'uesotic tel ta Egipto yu'un ja' nax tal yac'otic ta sc'ab te amorreoetic, swenta yu'un ya slajinotic ta jc'axel.

Números 11:15

Teme jich ya apasbon bael bit'il in to, ja' lec pojbon jcuxlejal teme ayon ta awo'tane. Jich me ma ba ya quil bayal c'opetic, teme lec te bila ya cale —xi' te Moisese.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Job 3:11

¿Bi yu'un ma ba lajon ta xch'ujt' te jme'e, soc bi yu'un ma orauc lajon te c'alal ayinon ta q'uinale?

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Hebreos 3:16

¿Mach'atic a te la yaiybeyic stojol sc'op te Diose soc te la scontroinique? ¿Ma bal ja'uc spisilic te mach'atic ic'ot loq'uel tel ta sq'uinal Egipto yu'un te Moisese?

Números 11:5

¡Mero ya xtal ta co'tan te chay la jti'tic ta majt'anil ta Egipto! La jwe'elintic pepino, melón, tux-ac, cebolla soc axux.

Números 14:1

Jich yu'un te israeletic jajch'ic ta aw, ta sjunal ajc'ubal c'ax yu'unic ta oq'uel.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 20:3

jich la yalbeyic te Moisés: —Ja' lec te pajaluc lajucotic soc te yantic israeletic te la yac' lajuc te Cajwaltique.

Números 20:4

¿Bistuc la awiq'uic tel te lum yu'un Cajwaltic ta jochol taquin q'uinal? ¿Yu'un bal ya ac'an te ya xlajotic, soc te chambalametic cu'untique?

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

Salmos 106:25

ta yutil snailpaq'uic la sbolc'optayic te Cajwaltique, jich ma la xch'uunbeyic te smandal la yale.

Éxodo 14:11

Soc jich la yalbeyic te Moisés: —¿Yu'un bal ma wejt'ix muquenaletic ta Egipto te la aloq'uesotic tel tey a, te tal awac' lajucotic ta muc'ul jochol taquin q'uinale? ¿Bistuc jich la apasbotic? ¿Bistuc la aloq'uesotic tel ta Egipto?

Números 17:6

Te Moisés jich nix la yalbey te israeletic, te juju-jtul jtsobwanej yu'un juju-jchajp la yac'bey sbastonic, jich la stsob sba lajchaych'ix te bastoniletique. Ja' tey ay a te sbastón Aarón.

Números 20:2

Te israeletic ma la sta ja' yuch'ic. La stsob sbaic tel ta scontroinel Moisés soc Aarón,

Deuteronomio 9:23

C'alal la yal mandal te Cajwaltic te ya xloq'uex ta Cades-barnea swenta yu'un ya xba awich' ta awentaic te lumq'uinal ya yac'beyexe, ja' nix jich ma ba la ac'an ach'uunbeyic te smandale. Ma ba la awac' xch'uunjel awo'tanic ta stojol, la ac'axintaybeyic te sc'ope.