Números 14:19 - Bible in Tzeltal de Oxchuc y Tenejapa

¹⁹ Melel te xc'uxul awo'tane, mero muc' ta jyalel, jich yu'un pasbeya perdón yu'un smulic, melel ats'icojbey c'alal ta Egipto ja' to c'alal ta bay q'uinal to —xi' te Moisese.

Bible in Tzeltal Bachajón

¹⁹ Pasbeya perdón yu'un smulic te pueblo ini ta scuenta te smuc'ul sc'uxul awo'tan, hich te bin ut'il la apasbe perdón te pueblo ini c'alal loq'uic tal ta Egipto c'alal ora, xchi.

Números 14:19 Referans Kwoze

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Salmos 78:38

Pero na'bot yo'bolil sbaic yu'un te Diose; pasbotic perdón yu'un te sbolilique, soc ma jc'axeluc jinotic yu'un. Bayal buelta la xch'ay ta yo'tan te yilimba; ma ba la yac' ta yo'tan.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

Santiago 5:15

Teme ay xch'uunjel yo'tanic te c'alal ya sc'oponic te Diose, jich me ya xcol te jchamele. Ya me xjajch'esot yu'un te Cajwaltique, soc teme ay staoj smule ya me spasbot perdón yu'un.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Daniel 9:19

¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

1 Reyes 8:34

aiybeya me sc'op c'alal ta ch'ulchan, pasbeya perdón te smule, ac'a sujt'uc xan tel tey ta lumq'uinal awac'ojbey te namey sme'-statique.

Éxodo 33:17

La yal te Cajwaltique: —Te bila la awalbone, jich nix ya jpasbat, melel jun co'tan ta atojol scaj te ya jna'bat aba ta lec soc te lec c'oemat ta jsite —xi'.

Números 23:21

Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

Salmos 85:2

La apasbeyix perdón te sbolil yo'tan te lum awu'un; la apasbeyix perdón ta spisil te smulique.

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Amós 7:2

Patil la quil te c'ulubetic yacaliquix ta slajinel ta jyalel te aquiltic ta lumq'uinale, jich la cal: —Cajwal, pasbon perdón. ¿Bit'il c'an cujch'uc yu'un te Jacob te lum awu'une? Melel c'ax ch'in ta jyalel —xoon yu'un.

Amós 7:5

Jich la calbey: —Coma aba, Cajwal, wocoluc a. ¿Bit'il c'an cujch'uc yu'un te Jacob te lum awu'une? Melel ch'in ta jyalel —la cut.