Números 14:11 - Bible in Tzeltal de Oxchuc y Tenejapa

¹¹ Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

Bible in Tzeltal Bachajón

¹¹ Te Jehová la yalbe te Moisés: ¿Jayeb xan tiempo te ya spehc'ambon jc'oblal te pueblo ini? ¿Jayeb xan tiempo te ma ba ya sch'uhunonic, aunque bayel ta chahp a'teliletic la jpasix ta yohlilic?

Números 14:11 Referans Kwoze

Salmos 106:24

Ta patil la yilayic te lumq'uinal te t'ujbil yutsilal, soc ma la xch'uunic te bitic yaloj ta jamal te Diose;

Salmos 78:32

Manchuc me jich pasbotic, pero la xcha'le xan smulic; ma ba la yich'ic ta muc' te jchajp at'eliletic la spas te Diose.

Salmos 78:22

Ja' yu'un te ma ja'uc la smuc'ulin yo'tanic te Diose, soc te ma ba la xch'uunic te ja' ya xcoltayotic yu'une.

Deuteronomio 1:32

Pero ma ba la smuc'ulin awo'tanic te Cajwaltic Dios cu'untique,

Hebreos 3:8

ma me tulanuc ya awac' te awo'tanique, jich bit'il la scontroinonic te antiguo ame'-atatique, soc te la yilbonic co'tan ta bay te muc'ul jochol taquin q'uinale.

San Juan 12:37

Manchuc teme bayal ta jchajp te señailetic la spas ta stojolic te Jesuse, ma ba c'ot ta yo'tanic te mach'a a,

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Números 14:23

ma me ayuc jtuluc ya yilic te q'uinal te la calbey yaiy sc'oplal te antiguo sme'-state. Ma me ayuc jtuluc ya yil te mach'atic ma lecucon ta yo'tanique.

Hebreos 3:18

¿Soc mach'atic a te la yich' alel sc'oplal te jc'axel ma xju' ya x'ochic tey a ta banti ay te cux-o'tan yu'une? ¿Ma bal ja'uc te mach'atic la xc'axintaybeyic te smandale?

Hebreos 3:16

¿Mach'atic a te la yaiybeyic stojol sc'op te Diose soc te la scontroinique? ¿Ma bal ja'uc spisilic te mach'atic ic'ot loq'uel tel ta sq'uinal Egipto yu'un te Moisese?

Éxodo 16:28

Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

San Mateo 17:17

La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

Zacarías 8:14

Te Cajwaltic te Spisil ya xju' yu'un jich ya yal: —Te antiguo ame'-atatique la jnop te ya cac'beyic castigo te c'alal la yaq'uic ilinuc co'tane. Jich nix la jpas a, la cac'bey castigo.

Oseas 8:5

Ja'at Samaria, ma lecuc co'tan yu'un te sloc'omba alal wacax ya ach'uune. Te quilimba tilemix ta stojol te loc'ombae. ¿Jayeb to c'aal sc'an ya xlecub ta jtojol te israeletique?

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Salmos 95:8

“Ma me xawac' tulanubuc awo'tanic, jich bit'il la yich' pasel ta Meriba, jich te bi c'aalil c'ot ta pasel ta Masah ta jochol taquin q'uinal.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 32:9

Te Cajwaltic, jich la yalbey xan te Moisese: —Yacon ta yilel te alumale. La jna'ix stojol te mero tulan te yo'tanique.

Números 32:10

Ja' yu'un te Cajwaltic ilin te bi c'aalil c'ot ta pasele, soc jamal la yal:

Jeremías 13:10

Ja' in lum to te amen yo'tane ma sc'an xch'uunbon te jmandale, q'uejel yac'oj sbaic bael soc stulanil te yo'tanique. Bajt'ic ta stojol lotil diosetic, yac'oj sbaic ta abatinel yu'un soc ta xch'uunel. Pajalic soc te xchujq'uil ach'ujt' te ma'yuquix yutsil ta jyalele.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.