Números 13:31 - Bible in Tzeltal de Oxchuc y Tenejapa

³¹ Ja'uc me to, te mach'atic xc'otuquic soc, la sjaq'uic: —Ma xju' cu'untic yac'beyel guerra te winiquetique. C'axem to xan tulan stuquelic a te bit'ilotique —xiic.

Bible in Tzeltal Bachajón

³¹ Pero te winiquetic te mohic bahel soc, la yalic: Ma xhu' cu'untic ya'beyel guerra te winiquetique, yu'un c'ax hich yipic a te bin ut'il te ho'otique, xchihic.

Números 13:31 Referans Kwoze

Deuteronomio 1:28

Yo'tic ¿banti ya xbootic? Te mach'atic jun jlumaltic soc, ya yalic te mero bayal yipic soc te mero najt'ic te mach'atic tey ayic a, c'axem laj jichic a te bit'il jo'otique. Soc niwac lumetic laj ay yu'unic soc mero toyolic laj sjoyob ts'ajc'ul, soc ay laj la yilbeyic sts'umbal te c'ax najt'il winic Anac tey a. Ta spisil, jc'axel ya spejc'anbotic co'tantic”, xaex.

Josué 14:8

Yan te mach'atic joinej bael, ja' nax c'o xiwtesbey yo'tanic te jlumaltique. Yan te jo'one jun nax co'tan ta stojol te Cajwal te Dios cu'une.

Hebreos 3:19

Tey chican ya quiltic ta jamal a te ma ju' yu'unic te ochic bael tey a scaj te ma la xch'uunique.

Números 32:9

C'otic c'alal ta beja' yu'un Escol, jich la stsajtayic te q'uinale. Ta patil la xchebantesbey yo'tanic te israeletic, swenta yu'un jich ma x'ochic bael ta lumq'uinal te ac'bilic yu'un te Cajwaltique.

Deuteronomio 9:1

“Aiya awaiyic, israeletic: C'otix yorail te ya xc'axex bael ta jejch' ja' Jordán, soc te ya xjajch'ex ta at'el ta spisil awipic ta stsalel ta guerra yantic nacionetic, te c'axem jich smuc'ulic soc c'axem jich yipic a te bit'il ja'exe. Ya me atsalic niwac lumetic te buen toyolic sjoyob ts'ajc'ule.

Números 13:30

Jich yu'un te Caleb la scom ta c'op te lum te ayic ta stojol Moisés, jich la yal: —¡Ya me xba cu'unintic te q'uinale! ¡Ya xju' cu'untic yich'el! —xi'.

1 Samuel 17:33

La yal te Saúl: —Ma xju' awu'un ta atuquel te ya xba atsac aba soc te filisteo, melel queremat to. Yan te Goliat stalel soldado c'alal to ta squeremil —xi'.

Números 32:7

¿Bistuc ya achebantesbey yo'tanic te alumal israeletic te ma xc'axex bael ta bay lumq'uinal te ya yac'beyex te Cajwaltique?