Números 13:29 - Bible in Tzeltal de Oxchuc y Tenejapa

²⁹ Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Bible in Tzeltal Bachajón

²⁹ Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Números 13:29 Referans Kwoze

Números 14:43

Ya me smaliyex te sts'umbal Amalec soc te cananeoetic, ya me yac'beyex guerra soc ya me smilex. Ja' yu'un te la awijq'uitay ta awo'tanic te Cajwaltic, jich ma ba sjoinejexix —xi' te Moisese.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Salmos 83:7

Gebal, Amón soc Amalec, filisteoetic, soc te mach'atic nainemic ta lum Tiro.

1 Samuel 30:1

Ta yoxebal c'aal te David soc te swinictac c'otic ta Siclag. C'alal c'otic, la yilic te yich'ojix ochintayel yu'un amalequetic te Neguev. Soc la yuts'inic te yajwal lum Siclag, la sjinic jilel, la yac'bey jilel sc'aal.

1 Samuel 14:48

La stsob soldadoetic yu'un, la stsal te amalequetic, jich col ta c'abal yu'un jpoj-biluquetic te israeletique.

Números 24:20

Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.

Números 14:45

Jich yu'un loq'uic tel te sts'umbal Amalec soc te cananeoetic te nainemic tey a. La snutsic te israeletic ja' to c'alal ta lum Horma. Jc'axel la yich'ic tsalel.

Números 14:25

(Te sts'umbal Amalec soc te cananeoetic, ja' nainemic ta muc'ul spamlej q'uinal.) Te ja'ex pajel me ya awaq'uic buelta, loc'anic bael ta sbelal te muc'ul jochol taquin q'uinal, t'unaic bael sbelal te Mar Rojo —xi'.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Génesis 14:7

Sujt'ic tel te Quedorlaomer soc te mach'atic sjoinej sba soc, c'otic ta Enmispat, te Cades yan sbiile. La sjinic te c'alal c'axic tel spisil te sq'uinal amalequetic, soc te sq'uinal amorreoetic te nainemic ta lum Hazezón-tamar.

Números 13:17

Moisés jich la sticun ta stsajtayel te lumq'uinal yu'un Canaán, jich la yalbey bael: —Baanic ta beel ta Néguev, soc moanic bael ta witstiquil.

Números 13:30

Jich yu'un te Caleb la scom ta c'op te lum te ayic ta stojol Moisés, jich la yal: —¡Ya me xba cu'unintic te q'uinale! ¡Ya xju' cu'untic yich'el! —xi'.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Josué 9:1

Te ajwaliletic yu'un te hititaetic, amorreoetic, cananeoetic, ferezeoetic, heveoetic soc te jebuseoetique, la yaiyic stojol te bila c'oem ta pasele. (Tey nainemic ta stojol smalib c'aal yu'un te muc'ja' Jordán: ta bay witstiquil, ta bay alan q'uinal bael yu'une, soc ta spamlej bael ta ti'ti' muc'ul Mar Mediterráneo, ja' to ta sq'uinal Líbano.)

Josué 10:5

Jich yu'un ta yo'ebal te ajwaliletic yu'un te amorreoetic, ja' te ajwaliletic yu'un Jerusalén, Hebrón, Jarmut, Laquis soc Eglón, la stsob sbaic bael, jajch'ic ta beel soc te swinictaquique. Ba spas scampamentoic ta swenta guerra ta stojol te lum Gabaón.

Josué 10:6

Jich yu'un te mach'atic ayic ta Gabaón la sticunbeyic bael c'op te Josué ta scampamento spisil te israeletic ta Gilgal, jich la yalic bael: “Ma me wocoluc x'awaiyic te ya xtalex ta scoltayel te abatetic awu'une, la' coltayawotic ta ora, la' situya abaic soc ta jwentatic. Te ajwaliletic yu'un amorreoetic te ayic ta witstiquil, jun la stsobix sbaic tel spisilic ta guerra ta jtojoltic”, xi' bael sc'opic.

1 Samuel 7:14

Te lumetic yu'un Israel te pojbilic yu'un filisteoetic, ya xjajch' ta Ecrón c'alal ta Gat, cha'sujt' xan ta swenta israeletic. Jich col loq'uel ta sc'ab filisteoetic te sq'uinal israeletique. Te israeletic ma ba la yuts'in sbaic soc te amorreoetique, lamal q'uinal yu'unic.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Deuteronomio 20:17

Ya me alajinic ta jc'axel, milbil smajt'an Cajwaltic me ya xc'ot c'oem awu'unic. Ja'ic te hititaetic, amorreoetic, cananeoetic, ferezeoetic, heveoetic, jebuseoetic, jich nix te bit'il yaloj stuquel te Cajwaltique.

Josué 3:10

Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Jueces 3:5

Jich te israeletic jajch' sjoin sbaic ta q'uinal soc te cananeoetic, hititaetic, amorreoetic, ferezeoetic, heveoetic soc te jebuseoetique.

1 Samuel 27:8

Ya xloc' soc te swinictac ta spojbeyel biluc yu'unic te gesuretic, gezritaetic soc te amalequetic te nainemic ta bay Telaim ta stojol Shur, c'alal ta Egipto.

Nehemías 9:8

La awil te ja'at smuc'ulinejat yo'tane, la achap ac'op soc, la awalbey te ya awac'bey sq'uinalin te sts'umbal te slum-sq'uinal cananeoetic, hititaetic, amorreoetic, ferezeoetic, jebuseoetic, soc te gergeseoetique. La awac' c'otuc ta pasel te bila la awale, melel puersa ya awac' c'otuc ta pasel te bila ya awale.