Números 13:27 - Bible in Tzeltal de Oxchuc y Tenejapa

²⁷ La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

Bible in Tzeltal Bachajón

²⁷ Soc hich la yalbeyic: C'ohotcotic ta q'uinal te la aticonotcotic bahel ta yilel, te mero melel ya x'oquin leche soc chab; ha me ini te sit ts'unub-awalil yu'une.

Números 13:27 Referans Kwoze

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Deuteronomio 31:20

Melel te c'alal jo'on ya cac' ochel ta lumq'uinal te jc'axel la jchap soc te antiguo sme'-statique, lumq'uinal te banti ya x'oquin leche soc chab c'oem, te c'alal bayalix swe'elic soc te buen jujp'eniquix a, ya xbajt'iquix ta stojol yantic bitic cuybilic ta Dios yu'un ya xch'uunic. Yan te jo'one ya me yilayonic jilel, soc ya me sjinic te trato cu'une.

Éxodo 33:3

Tey xbaex a ta bay ya x'oquin leche soc chab c'oem. Te jo'one ma ba ya joinex bael teme repente ya jlajinex jilel ta be, melel ma xapejc'an abaic ta jyalel, ma xach'uunic mandal —xi'.

Deuteronomio 27:3

swenta yu'un ya yich' ts'ibuyel tey a te mandaliletic la cac'beyexe. Pasaic me, teme ochex bael tey ta q'uinal te banti ya x'oquin leche soc chab c'oem, te ya yac'beyex te Cajwaltic te Dios cu'untique.

Deuteronomio 26:9

La yic'otic tel c'alal li'to, soc la yac'botic te lumq'uinal te banti ya x'oquin leche soc chab c'oeme.

Deuteronomio 11:9

soc swenta yu'un ya me xjalajex ta nainel bayal c'aal ta lumq'uinal te jc'axel yaloj Cajwaltic te ya x'ac'botic te antiguo ats'umbalique. Ja' te lumq'uinal te banti ya x'oquin leche soc chab c'oeme.

Deuteronomio 6:3

Ja' yu'un, israeletic, pasaic me bael. Jich me lec ya x'ainex, soc jich me muc'ul lum ya xc'oex, ta lumq'uinal te banti ya x'oquin leche soc chab c'oem, jich nix te bit'il yaloj te Cajwaltic te Dios yu'un te antiguo jme'-jtatique, te ya x'ac'bot yu'uninique. Jich ay:

Números 14:8

Teme bin nax yo'tan cu'untic te Cajwaltic, ya me yic'otic ochel tey a, soc ya me yac'botic cu'unintic, ja' te lumq'uinal ta bay ya x'oquin leche soc chab c'oem.

Ezequiel 20:15

‘Ja' nix jich tey ta jochol taquin q'uinal, jc'axel la calbeyix te ma ba ya cac' ochel tey ta lumq'uinal la cac'beye, ja' te ma'yuc yan q'uinal te pajal st'ujbilal soque, te banti ya x'oquin leche soc chab c'oeme.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Jeremías 32:22

La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Números 14:7

Jich la yalbey spisilic te israeletique: —Te q'uinal te xc'otuc quiltic, mero c'ax t'ujbil ta jyalel.

Números 16:14

Te ja'ate ma'yuc bay awic'ojotiquix bael ta q'uinal ta bay ya x'oquin leche soc chab c'oem, ni ma'yuc bay awac'ojbotiquix jq'uinaltic soc jts'usubiltic. Ja' xanix ya ac'an te ya jch'uuntic iq'uel bael awu'un jichuc ma'sitetic. Ma xju', ma jc'antic ya xbootic ta atojol —xiic.

Nehemías 9:25

Soc la yu'uninic buen yaxal q'uinaletic, nanatic nojelic ta bitic mero t'ujbilic, pozoetic, ts'usubiletic, ts'unbil olivoetic, soc yantic te'etic te lec ta lo'el site. We'-uch'ic, mero la snojes xch'ujt'ic, chican te bay c'alal la smulan yo'tanique. Buen jujp'ic, soc bin nax yo'tanic yu'un te bila mero muc' te spasemal awo'tan la awac'bey ta stojolique.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?