Números 13:20 - Bible in Tzeltal de Oxchuc y Tenejapa

²⁰ teme yaxal q'uinal o teme taquin q'uinal, soc teme ay ste'el o ma'yuc. Ma me xiwex; ich'aic tel jtebuc sit awalts'unubil yu'un te q'uinale —xi' te Moisés. Jich c'ot ta pasel te ja' yorail te yac ta tulel sbabial sit te ts'usube.

Bible in Tzeltal Bachajón

²⁰ soc bin yilel te lumq'uinal, teme yaxal q'uinal o teme mayuc bin ya xcol tey a, teme ay te'etic o mayuc ste'el. Ayuc me yip awo'tanic, soc ich'ahic tal te sit ts'unub-awalil yu'un te q'uinale, xchi. Ha yorahil a te sba sit te ts'usube.

Números 13:20 Referans Kwoze

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Ezequiel 34:14

Ya me quic' bael ta we'el ta bay lequil aque, tey me ta lequil aquiltic ta buen toyol witsetic yu'un Israel. Tey me ya xju' ya xcux yo'tanic ta lec a, soc ya me swe'ic ac te mero bayal yipe.

Nehemías 9:35

Ja'ic stuquelic, ma ba la xch'uunat, soc ma ba la xch'ay jilel te amen yat'elique, manchuc me jtul nax muc' ajwalil wentainbilic yu'un, soc manchuc me la awac'bey bayal sbiluquic soc muc' yaxal q'uinal.

Nehemías 9:25

Soc la yu'uninic buen yaxal q'uinaletic, nanatic nojelic ta bitic mero t'ujbilic, pozoetic, ts'usubiletic, ts'unbil olivoetic, soc yantic te'etic te lec ta lo'el site. We'-uch'ic, mero la snojes xch'ujt'ic, chican te bay c'alal la smulan yo'tanique. Buen jujp'ic, soc bin nax yo'tanic yu'un te bila mero muc' te spasemal awo'tan la awac'bey ta stojolique.

Hebreos 13:6

Jich me jun co'tantic ya caltic: “Te Cajwale, ja' Jcoltaywanej cu'un; jich ma ba ya jxi' te bila ya sc'an spasbon te ants-winiquetique”, xootic yu'un.

Miqueas 7:1

¡Obol jba! Jich c'oemon ya caiy te bit'il ya jle xan te c'alal c'axemix a te bila la yich' tulele; ma ba ya jtaix sit ts'usub ni sit higuera, ja'ic te bi ya smulan co'tan swe'elinel xane.

1 Crónicas 22:11

Jnich'an, yo'tic bael, ya me sjoinat te Cajwaltic, swenta yu'un ya me xju' awu'un spasel te templo yu'un te Cajwaltic te Dios awu'une, jich me te bit'il yaloj ta jamal te ya apase.

Josué 2:3

Jich yu'un te ajwalil la sticun bael mandal ta stojol te Rahab, jich la yalbey bael: —Loq'uesa tel te winiquetic te julem ta atojol te ayic ta anae, melel jtsajtaywanejetic me —xi'.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Deuteronomio 1:25

La yich'botic tel te sit ts'unubil te ay ta lumq'uinale. Jich la yalbeyic sc'oplal: “Mero lec te q'uinal ya yac'botic te Dios cu'untique”, xiic.

Números 13:19

Ya me awilic te lumetic, teme ja' nax spasoj scampamentoic o teme yich'ojic ts'ajc' ta sjoylejal, soc teme lequil lumq'uinal ta bay nainemic o teme ma lecuc,

Deuteronomio 1:24

Ja'ic te beenic bael ta stojol te witstiquile, c'otic ta stenlej xatal q'uinal Escol. La sbeentayic sejpel te q'uinale.

Daniel 11:24

Te c'alal ma'yuc mach'a ya xmaliyot yu'une, ya me x'och bael ta q'uinal mero jc'ulej te ay ta jsejp q'uinale. Ya me spas te bitic ma'yuc la spas te antiguo sme'-state: Ya me spucbey soldadoetic yu'un te biluquetic soc c'ulejaliletic la sta ta guerra. Ya xchajban sba yu'un ya yac'bey guerra te lumetic ay sjoyob ts'ajc'ule, pero ma ba jal c'aal te jich ya spase.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.