Números 12:8 - Bible in Tzeltal de Oxchuc y Tenejapa

⁸ melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

Bible in Tzeltal Bachajón

⁸ Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

Números 12:8 Referans Kwoze

Deuteronomio 34:10

Pero ma'yuquix yan jich j'alwanej yu'un Dios chicnaj ta Israel te bit'il Moisés, te mero ta ye nix c'opoj soc te Cajwaltique,

1 Corintios 13:12

Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

Éxodo 33:23

Ta patil ya me jq'uej bael te jc'ab te ya jmacat a. Ja' nax me ya awilbon c'axel te jpate; yan te quelawe ma xju' ta ilel —xi' te Diose.

Éxodo 33:11

Te Dios la yilbey sba sit soc Moisés te c'alal c'opoj soque, jich bit'il ya xc'opojic te mach'a jun yo'tan sbaique. Patil te Moisés sujt' bael ta campamento. Yan te sjoy ta at'ele, ja' te Josué sbiil, te snich'an Nun, xujt' ma ba jil yu'un te Nailpaq'ue.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Judas 1:8

Manchuc teme yaiyojic stojol in winiquetic to, ja'uc me to, swaichic nax c'oem te bit'il cuxulic ta q'uinale. Jich ya sboltes te sbaq'uetalique. Soc scuyojic te ma'yuc yat'el yich'oj te Cajwaltique, soc ya yixta-c'optayic te mach'atic cajal yu'elic ta ch'ulchane.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Mateo 13:35

Te bit'il jich c'opoj te Jesuse, ja' c'ot ta pasel te bila yaloj te namey q'uinal j'alwanej yu'un te Diose te jich la yale: “Ya me jam que ta yalel seña-c'op. Ya me cal te bila ma ba ac'ot ta na'el stojol ta xjajch'ibal to tel te balumilale”, te xie.

Ezequiel 20:49

La calbey: —¡Ay, Cajwal, ay mach'atic yacalic yalel te jo'on ta jtuquel te yacon ta yalel c'op te ma'yuc mach'a ya xc'ot ta yo'tane! —xoon.

Ezequiel 17:2

—Ja'at winic, albeya te lum Israel in seña-c'op to.

Isaías 46:5

“¿Mach'a ya apajon soc a te ja'exe? ¿Mach'a te pajalon soc ta ac'opique?

Isaías 40:18

Te ja'exe, ¿mach'a ya apajic soc a te Diose? ¿Bi loc'ombail te pajal soc ta ac'opic?

Salmos 49:4

ja' me ya jna' te tsabil c'opetic ay ta alele, ta c'ayoj soc arpa ya xloc' ta que te bila jnopoj ta co'tane.

Deuteronomio 4:15

“Te bi c'aalil la sc'oponex ta yolil c'ajc' te Cajwaltique, ja' te la sc'oponex ta wits Horeb, ma'yuc bila la awilic chicnaj tey a. Ja' yu'un tsajtaya me abaic, ma me xyalex ta mulil te mero ilaybil sbae.

Éxodo 20:4

“Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta yet'al te lumq'uinale.

Colosenses 1:15

Te Diose ma chicanuc ta ilel. Ja'uc me to, ja' sloc'omba Dios te Cristoe. Ja' sbabial ay yu'un spisil te bitic aye.

Números 14:14

ya me xba yalbey yaiyic te yajwal te sq'uinal Canaán. Melel yaiyojic te ay ta alel te ja'at Cajwal, te ayat ta yolilic, te awac'oj aba ta ilel ta stojolic, te axintesbilic ta tocal awu'une. Ta c'aaleltic ya xneelajat bael yu'unic ta balal tocal, soc ta ajc'ubal ya xneelajat bael yu'unic ta balal c'ajc'.

Éxodo 34:30

C'alal la yil te Aarón soc spisil te israeletic, te xojobajem ta ilel yelaw te Moisés, xiwic yu'un, ma ba talic ta stojol.

Éxodo 33:19

Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

Deuteronomio 5:8

“Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta ye'tal te lumq'uinale.

Proverbios 1:6

swenta sna'el swentail te bitic yalojic te mach'atic p'ijique, soc te c'opetic yu'unic, soc te bitic seña-c'op ya yalic, soc te bila ya yalic te chujc'ul ta na'el sujt'ibe.

Oseas 12:13

Ta swenta jtul j'alwanej te Cajwaltic la sloq'ues tel ta Egipto te lum Israel; ta swenta jtul j'alwanej la scanantay te lume.

Éxodo 19:19

Te sc'op te xulubiletic yac nax ta yich'bel yip te sc'opique. Jajch' ta c'op te Moisese, te Dios la sujt'es jich bit'il sc'op chawuc.

Números 7:89

C'alal och bael Moisés ta Nailpac' te bay ya yich' c'oponel te Cajwaltic, te yu'un ya sc'opone, la yaiybey stojol te ya xloc' tel sc'op tey ta sba cajón yu'un trato, ta yolil sloc'omba te querubinetique.

Deuteronomio 18:15

“Te Cajwaltic ya me yac' chicnajuc loq'uel ta awolilic jtul j'alwanej jich te bit'il jo'one. Ya me sc'an te ya ach'uunbeyic te sc'ope.