Números 12:6 - Bible in Tzeltal de Oxchuc y Tenejapa

⁶ te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Bible in Tzeltal Bachajón

⁶ Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Números 12:6 Referans Kwoze

1 Reyes 3:5

Ay jun ajc'ubal ta Gabaón, te Salomón ta swaich chicnaj ta sit te Cajwaltique. Jich albot yu'un: —C'anbon te bi ya ac'ane, ya me cac'bat —xi' sc'oplal.

Génesis 46:2

Ta swaich c'oponot yu'un Dios ta ajc'ubal te mamal Israel, jich albot yu'un: —Jacob, Jacob —xi'. La sjac' te mamal Israel: —Li' ayon to —xi'.

San Lucas 1:22

C'alal loc' tel, ma ju' yu'un sc'oponel te lume. Jich la sna'ic stojol te yu'un ay bila ac'bot yil ta sit ta yutil templo. Ja' nax la sc'opon ta swenta seña sc'ab yilic te lume, melel taot ta uma'.

San Lucas 1:11

Chicnaj jtul ch'ul abat yu'un te Cajwaltic ta stojol te Zacariase. Teq'uel c'oel ta swa'el scajtijib xchic'jibal pom la yil.

Daniel 10:8

Jtuquel ayon a te ac'boton quil la caiy te bila mero muc' sc'oplale. Mero ch'ay jch'ich'el soc jc'axel laj quip la caiy.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Hechos 10:11

Ja' la yil te jamal te ch'ulchane soc coj tel ta lum te bila jich yilel te bit'il muc'ul sábana-pac' te chucbil xchanebal te xchiquine.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Daniel 8:2

Te c'alal ay bila yacon ta yilel la caiy ae, ayon ta lum Susa ta jsejp sq'uinal Elam, ta sti'il muc'ja' Ulai la caiy.

San Mateo 2:19

Te c'alal lajix a te Herodese, ay jtul ch'ul abat yu'un te Cajwaltique chicnaj la yil ta swaich te José te c'alal ay to ta sq'uinal Egipto. Jich la yalbey:

Daniel 7:1

Ta sbabial ja'wil yat'el ta mandalteswanej a te Belsasar ta Babilonia, ta jun ajc'ubal ay bitic la yil la yaiy ta swaich te Daniel. Te c'alal wijc' sit ta wayele, la sts'ibuy te bitic tulan sc'oplal la yil ta swaiche. Ja' la sts'ibuy in to:

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Salmos 105:15

“Ma me xacontroinic te mach'atic tsabil cu'une, ma me x'awuts'inbonic te j'alwanejetic cu'une”, xi'.

Salmos 89:19

Ta namey tel c'opojat soc ay bila la awac'bey yil ta sitic, jich la awalbey te abatetic awu'un te mach'atic jun yo'tanic ta atojole: “La jtsaix jtul ta lum cu'un, jtul te ay yip yo'tan soc te ma xiwe, toyol la caq'uix soc coltaybil cu'un.

Job 33:15

Ay ya sc'oponotic ta ajc'ubal ta jwaichtic, soc ay bila ya yac'botic quiltic ta jsitic te c'alal ya x'och jwayeltic, te c'alal mero c'ubenix jwayeltic ae.

Job 4:13

Ta ajc'ubal, te c'alal wayalic a te ants-winiquetique, tal waichejel ta jtojol.

Éxodo 7:1

Jich yu'un te Cajwaltic la yalbey xan te Moisés: —Ya calbat, jich me ya xc'oat cu'un te bit'ilon ta stojol faraón. Te abanquil Aarón jich me ya xc'ot awu'un te bit'il j'alwanej ta sc'asesel te ac'ope.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Efesios 4:11

Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

Hechos 10:17

Te bit'il yac ta aiyej yo'tan a te Pedro te bi swentailuc te bila ac'bot yile, jich ora c'otic ta ti'nail te abatetic yu'un te Cornelio te la sjojq'uiyic tel ta banti ay sna te Simone.

San Lucas 20:6

Soc teme ya calbeytic te ja' ac'bot yat'el yu'un winiquetic, spisil lum ya me smilotic ta ch'ojel ta ton, melel xch'uunej yo'tanic te bit'il ja' j'alwanej yu'un Dios te Juane —xiic ta yaanel.

San Mateo 23:37

“¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

San Mateo 23:34

Jich yu'un ya me jticunbeyex tel te j'alwanejetic soc te mach'atic ay sp'ijilique soc te jp'ijubteswanejetique. Ja'uc me to, ay jtul te ya amilic ta cruz, soc ay yan ya amajic ta sinagogaetic, soc te ya anutsic loq'uel ta alumalique.

San Mateo 23:31

Jich ya awaq'uic ta na'el te bit'il ja' nix yal-snich'anex jilel te mach'atic la smilic te j'alwanejetic yu'un te Diose.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

Génesis 28:12

Ta swaich la yil ay jun tejc'abal jajch'em ta lum, te sbae c'oem c'alal ta ch'ulchan. Yacal ta moel coel te ch'ul abatetic yu'un Dios tey a.

Números 24:4

te yac ta yaiyel te bila ya x'albot yu'un Dios. Yalemix ta lum pero mero chican ta lec ya yil, jich ay bila ya xchicnaj ta sit ya yaiy yu'un te Dios te Spisil ya xju' yu'une.

1 Samuel 3:15

C'alal quejch'aj ta c'op te Diose, way xan te Samuel, ja' to c'alal sacub q'uinal. La sjam te sti'nailul templo yu'un Cajwaltic. Te Samuel la xi' yalbeyel Elí te bitic albot yu'un te Cajwaltique,

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

1 Reyes 3:15

C'alal wijc' sit te Salomón, la sna' te bila la swaichine. C'alal c'ot ta Jerusalén, bajt' ta stojol te scajonil trato yu'un te Cajwaltique. Ba yac'bey chic'bil milbil smajt'an Dios soc milbil smajt'an swenta lamal-o'tanil, soc la stsob ta we'el ta spisil te jayeb j'at'eletic yu'une.

Jeremías 23:25

“Caiyojbey slotic te j'alwanejetic to te ya xjelawic, te ja' ya xc'opojic ta jwenta ta sc'opique, soc te la jc'opon ta swaichic ta sc'opique.

Daniel 2:19

Te c'alal och ajc'ubale, ac'bot yil la yaiy te Daniel. Ja' yu'un te Daniel la yalbey yutsil sc'oplal te Dios ta ch'ulchane,

Génesis 28:16

Wijc' sit te Jacob, la yal: “Li' ay to te Diose, ma ba la jna' stojol”, xi'.

Génesis 37:5

Jun buelta waichej te José. La xcholbey yaiyic te sbanquiltac te bit'il ay te swaiche. Bayal to xan la yil-o'tantayic yu'un.

Génesis 37:9

Ta yan buelta waichej xan te José. La xcholbey yaiyic te sbanquiltaque: —Ay yan jwaich, aiya awaiyic stojol, ya calbeyex awaiyic. La quil la stinan sbaic ta jtojol te c'aal, te u, soc te bulucheb eq'uetique —xi'.

Deuteronomio 18:15

“Te Cajwaltic ya me yac' chicnajuc loq'uel ta awolilic jtul j'alwanej jich te bit'il jo'one. Ya me sc'an te ya ach'uunbeyic te sc'ope.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

1 Samuel 3:21

Te Cajwaltic la yac' sba ta na'el yan buelta ta Silo, tey la yac'bey sna' a te Samuel te sc'ope.

2 Samuel 7:4

Ja' nix ta yorail ta ajc'ubal a te Cajwaltic la sc'opon te Natán, jich la yalbey:

Oseas 12:11

Ta Galaad ay yantic diosetic tey a; ja'uc me to, ja' nax puro lotil diosetic. Ta Gilgal ya yac' milbil toroetic; te scajtijib majt'aniletic yu'unic jich c'oem te bit'il busulbus tonetic ta yolil te pasbil q'uinale —xi' te Cajwaltique.

Joel 3:1

Jich ya yal te Cajwaltic: —C'alal ya xc'ot yorail ya me cac' te ya staic yutsilal te Judá soc te Jerusalén.

Zacarías 1:8

Ay jun ajc'ubal, ay bila la quil yilel: Ay mach'a la quil cajal ta tsajal caballo, cotol ta sjuclej ta yolil ch'in te'etic te mirto sbiile. Ta sjejch'elul bael ay jtsojp caballoetic, ay tsajic, soc ay ijc'al-tsaj, soc ay saquic.