Números 12:11 - Bible in Tzeltal de Oxchuc y Tenejapa

¹¹ La yalbey te Moisés: —Wocoluc, cajwal, ma xawac'botic castigo yu'un jmultic te la jpastic yu'un jboliltique.

Bible in Tzeltal Bachajón

¹¹ hich la yalbe te Moisés: ¡Awocoluc, tatic, ma xawac' cuchcotic te mulil ini, yu'un la jpascotic soc sohquemal jolcotic!

Números 12:11 Referans Kwoze

2 Samuel 24:10

Pero te David la yaiy ta yo'tan te la sta smul yu'un te la yac' ta censo te yajwal q'uinale. Jich la yalbey ta jamal ta stojol te Cajwaltic: —Mero muc' mulil la jta ta atojol yu'un te bi la jpase. Ya calbat wocol ta atojol yu'un, Cajwal, te yacuc apasbon perdón yo'tic te jmul jo'on te abaton awu'une, melel jich la cac' jba te bit'il jun sonso —xi'.

2 Samuel 19:19

jich la yalbey: —Ya calbat wocol ta atojol, muc' ajwalil cu'untic, te manchuc ya awich'bon ta wenta te falta cu'une, soc te manchuc ya ana'bon xan te jmul la jta ta atojol te abaton awu'un, te c'alal loc'at bael ta Jerusalén. Ma me x'ana'bonix ta awo'tan.

Proverbios 30:32

Teme scaj nax abolil te muc' awac'oj abae, soc teme amen te bila chapal awu'une, nopa me awaiy ta lec:

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

Jeremías 42:2

ta stojol te j'alwanej Jeremías, jich la yalbeyic: —Ay bila ya jc'antic ta atojol, pasbotic a: Albotic wocol a te Cajwaltic Dios, jo'otic te ch'in jteb xanix te jilemotique. Ta neelal mero bayalotic, ta ora yo'tic jteb xanix jilemotic, jich bit'il ya awil in to.

2 Crónicas 16:9

Melel te Cajwaltic yat'elinej yilel spisil te bitic ya xc'ot ta pasel ta balumilal, swenta yu'un ya yac'bey yip te mach'atic jun yo'tanic ya yac' smuc'ul yo'tanic ta stojole. Te bila la apasixe, mero bol ta jyalel. Melel jamal ya calbat, ay me bael guerra ya xtal ta atojol —xi' te j'alwaneje.

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Éxodo 12:32

Ic'aic me bael te achijic soc te awacaxic te bit'il sc'anoj awo'tanique. Baanic ta ora. Soc albonic wocol uuc a te Diose —xi' te faraón.

Números 11:2

Te lum awunic ta sc'anel coltayel ta stojol Moisés. Te Moisés la yalbey wocol te Cajwaltic ta swentaic, jich yu'un te c'ajq'ue tup'.

Números 12:12

Ma xawac' te mero lajem ya xc'ot, jich bit'il alal te c'alal ma to x'ayin a te ya xloc' snujc'ulel te c'a'emix ya xc'ot ta loq'uel —xi' te Aarón.