Números 11:29 - Bible in Tzeltal de Oxchuc y Tenejapa

²⁹ Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

Bible in Tzeltal Bachajón

²⁹ Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

Números 11:29 Referans Kwoze

1 Corintios 14:5

Co'tan te yacuc xc'opojex ta apisilic ta yantic c'opiletic. Ja'uc me to, ja' mero toyol co'tan yu'un te yacuc awaiyic j'alwaneje, melel ja' cajal sc'oplal stuquel a. Ja' peq'uel c'oem te mach'a ya xc'opoj ta yantic c'opiletique, ja' xanix te ayuc mach'a ya xju' yu'un sc'asesele, swenta yu'un jich ya sta yip yo'tanic a te jch'uunjeletique.

Santiago 5:9

Quermanotac, ma me talel jc'axeluc ya ale abaic ta c'op, swenta yu'un ma me x'ac'botex castigo yu'un Dios. Te juez ayix ta ti'nail.

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

San Lucas 10:2

Jich la yalbey yaiyic: —Bayal me te c'ajoje. Yan te j'at'eletique, ma'yuc bayalic. Jich yu'un, albeyaic wocol te yajwal at'el te ya sticun ta at'el te j'at'eletique.

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

1 Pedro 2:1

Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.

1 Corintios 13:4

Te mach'a ay xc'uxul yo'tane, spisil ya xcujch' yu'un, soc ay yutsil yo'tan, soc ma spas jex-o'tanil. Ma xyac' sba ta ich'el ta muc', soc ma stoy sba.

1 Corintios 3:21

Jich yu'un, ma me toyoluc nax q'uinal ya awaiy yu'un te jtul winique, melel ya xtuun awu'unic ta spisil:

Hechos 26:29

La yal te Pabloe: —Teme jich yo'tan Dios, chican teme ora naxe, o teme jal to c'aale, co'tanuc jichucat te bit'ilone. Soc ma atuqueluc nax te ja'ate, soc spisil te mach'a li' ay to te ya yaiybonic stojol te jc'ope. Ma yu'unuc ya cal te ya awich'ic chuquel ta cadena jich bit'il te jo'one —xi' te Pabloe.

1 Corintios 3:3

te melel swentainejex to te abaq'uetalique. Melel tey chican a te ay to paichal ta awo'tanic, ya ajachic c'op, soc ya ajat abaic. ¿Ma bal ja'uc yat'el abaq'uetalic in to? Melel jich ya apasic te bila ya spasic spisil te ants-winiquetic te ma ba xch'uunejic te Diose.

Números 11:30

Te Moisés soc te mamaletic ich'bilic ta muc' yu'un Israel, sujt'ic bael ta scampamentoic.

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Joel 2:27

Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.

Joel 3:1

Jich ya yal te Cajwaltic: —C'alal ya xc'ot yorail ya me cac' te ya staic yutsilal te Judá soc te Jerusalén.