Números 11:25 - Bible in Tzeltal de Oxchuc y Tenejapa

²⁵ Jich yu'un te Cajwaltic coj tel ta tocal, c'opoj soc Moisés. Ora la sloq'uesbey olil te espíritu te ay ta yo'tan te Moisés, la yac'bey te lajuneb xchanwinic (70) mamaletique. Te espíritu ain ta yo'tanic, jajch'ic ta c'op jichuc j'alwanejetic. Ma'yuquix bay la xcha'pas ta yan buelta.

Bible in Tzeltal Bachajón

²⁵ Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

Números 11:25 Referans Kwoze

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

1 Samuel 10:10

Patil c'alal c'ot ta Gabaa te Saúl soc te abat yu'une, la sta sba soc te jchajp j'alwanejetic yacalic ta aq'uel ta c'op yu'un te Diose. Te espíritu yu'un Dios noj ta yo'tan te Saúl, jich och ta aq'uel ta c'op yu'un Dios, jich nix te bit'il yantique.

Números 12:5

Te Cajwaltic coj tel ta pimil tocal, tey la yac' sba ta yochibal te Nailpaq'ue. Ta ora la yic' te Aarón soc te María. Jich la stejc'an sbaic ta stojol

2 Pedro 1:21

te melel ma sc'anjeluc nax yo'tanic te c'opojic te namey q'uinal j'alwanejetique. Melel ja' ac'bot sna' ta yo'tanic yu'un te Ch'ul Espíritu te c'opojique, te melel u'uninbilic yu'un Dios te winiquetique.

2 Reyes 2:15

Te j'alwanejetic yu'un Dios te ayic ta Jericó te yac ta yilel ta c'ubul, jich la yalic te c'alal la yilic: “¡Te espíritu yu'un te Elías, jilix ta swenta Eliseo!” xiic. Ba staic tel, la squejan sbaic ta stojol,

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

1 Corintios 14:32

Te mach'a j'alwanejetique, ya xju' yu'un te ya scom sba ta c'op soc te yo'tane.

Hechos 11:28

Ay jtul la stejc'an sba jajch'el te Agabo sbiile, la yal ta swenta te Espíritu te ya xtal bayal wi'nal ta spamal balumilal. Ja' c'ot ta pasel a te c'alal ay ta muc' ajwalil te Claudioe.

Salmos 99:7

Te Dios c'opoj soc c'alal to ta bay xtomet te tocale; la sc'otesic ta pasel te mandalil te ac'botic yu'une.

Éxodo 40:38

Melel te tocal yu'un Cajwaltic, ta c'aaleltic ya x'ain ta sba te ch'ul awilale. Yan te ajc'ubal ya xc'atp'uj ta c'ajc' te ya x'ain ta sba. Jich la yilic spisil ora te israeletic te jayeb c'aal beenique.

Éxodo 34:5

Te Cajwaltic coj tel ta tocal, tey la sta sba soc a te Moisese. Te Cajwaltic la yal te sbiile.

Números 27:18

Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Isaías 63:11

La sna'ic te bit'il ay te namey q'uinale, ja' te Moisés te la yac' ta libre te slumale. Jich la sjojc'obey sbaic: —¿Banti ay te Dios te la scoltay loq'uel ta muc'ja' Nilo te Moisés, te ja' jcanantaywanej yu'un te chijetique? ¿Banti ay te Dios te la yac'bey ta stojol Moisés te ch'ul espíritu yu'une?

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

Números 16:25

Jajch' te Moisés, sjoinej bael te mamaletic ich'bilic ta muc', bajt'ic ta bay Datán soc Abiram.

Números 24:2

C'alal la yil Balaam spisil Israel ta bay scampamento ta chajbalchajp sts'umbale, te espíritu yu'un Dios wentainot yu'un te Balaam.

Nehemías 9:20

Soc xan, la awac'bey te buen lequil espíritu awu'un swenta yu'un ya xp'ijubtesotic yu'un. Ma'yuc bi ora com ta we'el yu'unic te maná, spisil ora la aticunbey, spisil ora la swe'ic. Soc la awac'bey ja' yuch'ic, swenta yu'un jich lamaj staquinti'ilic a.