Números 11:23 - Bible in Tzeltal de Oxchuc y Tenejapa

²³ Ja'uc me to, te Cajwaltic la sjac': —¿Yu'un bal ya acuy te ch'in xujt' te cu'ele? Ya me awil te ya xc'ot ta pasel ta melel te bila la cale —xi' te Cajwaltique.

Bible in Tzeltal Bachajón

²³ Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.

Números 11:23 Referans Kwoze

Isaías 59:1

Te yu'el te Cajwaltic ma ba pejc'ajem te ma xju' yu'un coltaywaneje; ma yu'unuc macal xchiquin te Cajwaltique te ma xyaiy stojol c'ope.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Ezequiel 12:25

Melel jo'on te Ajwalilon ya me xc'opojon jtuquel. Te bi ya cale, ya me xc'ot ta pasel ta yorail. Ja'ex lumex, ya awilic te tulan awo'tanique. Jo'on me te ya xc'opojone, soc ya me cac' te ya xc'ot ta pasel te bila ya cale. Jo'on Ajwalilon, te jich caloje’, xi' te Cajwaltic”, uta me —xi'.

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

San Lucas 1:37

Melel te Diose ma'yuc bi ma xju' yu'un stuquel —xi' te ch'ul abate.

San Mateo 19:26

Te Jesús la yilbey sitic, soc jich la yalbey xan yaiyic: —Te ants-winiquetique ma xju' yu'unic spasel in to. Yan te Diose spisil ya xju' yu'un spasel stuquel —xi'.

Ezequiel 24:14

Jo'on Ajwalilon te jich caloje, jich me ya xc'ot ta pasel. Jo'on me ya jpas, ma ba ya quijq'uitay spasel. Ma ba ya jna'bat yo'bolil aba. ‘Tojol bajt'’, ma me xoucon awu'un ta patil. Ya cac'bat castigo, pero ja'at nix ta scaj te amen awat'ele. Jo'on Ajwalilon te jich caloje”, uta me —xi' te Cajwaltique.

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Miqueas 2:7

¿Yu'un bal jc'axel ch'aybil te sts'umbal Jacob? ¿Yu'un bal jc'axel ma cujch' yu'un te Diose? ¿Jich bal ya x'at'ej te Diose? ¿Yu'un bal ma x'utsub yu'un sc'op te mach'a toj ya yac' sbae? —xiic.

Salmos 78:41

La xcha'pasic xan ta prueba; jich la yaq'uic c'opojuc yo'tan te Ch'ul Dios yu'un Israel.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

Números 11:22

¿Banti ay bayal chijetic soc wacaxetic te ya yich'ic milel, te tic' ya sts'acajic a? Manchuc me spisil ya cac'beytic te chayetic ta mar, ma tic'uc ya xnup' a —xi' te Moisese.

Jeremías 14:9

¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Daniel 6:20

Te c'alal noptsaj bael te muc' ajwalile, bayal ay ta mel-o'tan a te la sc'opon te Daniel, jich la yalbey: —Daniel, abat yu'un te cuxul Diose, ¿la bal scoltayat ta ye león-chojetic te Dios awu'une, ja' te mero jun awo'tan awac'oj aba ta abatinel yu'une? —xi'.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

2 Reyes 4:43

Pero te abate jich la yal: —¿Bi ya cut ya cac'bey swe'ic te jo'winic (100) ta jtul mach'a li' ayique? —xi'. La sjac' te Eliseo: —Ac'beya swe'ic te mach'atic li' ayique, melel te Cajwaltic la yalix te ya xwe'ic, soc te ay to ya xjil sobrail —xi'.

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Jeremías 32:27

—Jo'on Ajwalilon, te Dioson yu'un spisil te mach'atic cuxajtic ta q'uinale. Ma'yuc bila ma xju' cu'un spasel.