Números 11:22 - Bible in Tzeltal de Oxchuc y Tenejapa

²² ¿Banti ay bayal chijetic soc wacaxetic te ya yich'ic milel, te tic' ya sts'acajic a? Manchuc me spisil ya cac'beytic te chayetic ta mar, ma tic'uc ya xnup' a —xi' te Moisese.

Bible in Tzeltal Bachajón

²² ¿Tic' bal ya sts'acayic a teme ya yich'ic milel tsobol tuminchijetic, tentsunetic soc wacaxetic? ¿O tic' bal ya stahic a teme ya yich' stsobel spisil te chayetic ta mar? xchi.

Números 11:22 Referans Kwoze

San Mateo 15:33

La yalic te jnopojeletic yu'une: —¿Banti c'an jtabeytic swe'elic li'to ta bay jochol q'uinal te melel tsobol te ants-winiquetique? —xiic.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

San Juan 6:9

—Ay ch'in querem li'to te yich'oj jo'pejch' cebada-waj soc cha'cojt' ch'in chay. Ja'uc me to, ¿banti c'an ts'acajuc a te bayalique? —xi'.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

San Lucas 1:18

Te Zacarías la yalbey te ch'ul abate: —¿Bit'il ya jna' stojol in to? Melel mamalonix soc me'elix te quiname —la yut.

San Marcos 8:4

Te jnopojeletic la yalic: —¿Banti c'an jtabeytic swe'elic li'to ta bay jochol q'uinal? —xiic.

San Marcos 6:37

La yal te Jesuse: —Ac'beya swe'elic te ja'exe —xi'. La yalic: —¿Bay xba jtatic lajunwinic (200) denario-taq'uin te ya jmantic waj smac'lin sbaic a? —xiic.

Números 11:13

¿Banti ya xba jtabey tel ti'bal sti'ic spisil te lume? Ya xtalic ta oq'uel ta jtojol: “Ac'botic ti'bal jti'tic”, te xiique.

Números 11:21

Jich yu'un te Moisés la sjac': —Te lum te sjoinejonic tel, olil xcha'bajc' ta jmil (600,000) winiquetic te ya xju' yu'unic guerra. ¿Yu'un bal ya awal te ya awac'botic ti'bal jti'tic ta sjunal u?

Números 11:23

Ja'uc me to, te Cajwaltic la sjac': —¿Yu'un bal ya acuy te ch'in xujt' te cu'ele? Ya me awil te ya xc'ot ta pasel ta melel te bila la cale —xi' te Cajwaltique.