Números 11:20 - Bible in Tzeltal de Oxchuc y Tenejapa

²⁰ Ya me sti'ic ti'bal sjunal u, ja' to me c'alal ya xmal loq'uel ta sni'ic, soc ja' to c'alal ya yilay yo'tanic, melel la yil-o'tantayonic te Ajwalilon te ayon ta yolilique. La yoq'uetay sbaic soc yalojic ta jtojol: “¿Bistuc loc'otic tel ta Egipto?” xiic —xi' te Cajwaltique.

Bible in Tzeltal Bachajón

²⁰ pero ta sjunal u, ha to c'alal ya xmal loq'uel ta ani'ic soc te ya yihlay awo'tanic, como la awil-o'tantayic te Jehová te ay ta awohlilic soc la awoq'uetay abahic, te hich la awalic: ¿Bin yu'un loc'otic tal ta Egipto? te xchihexe.

Números 11:20 Referans Kwoze

Salmos 106:15

Te Dios la yac'bey tel te bila la sc'anic; ja'uc me to, la sticunbey tel chamel te ya xlajic yu'une.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

Hechos 13:41

“Aiya awaiyic stojol ja'ex te jp'ajawalexe, xiwanic me soc ch'ayanic ta q'uinal, melel te jo'on ya jpas jchajp at'elil ta atojolic te ma xach'uunique. Ma ba ya xc'ot ta awo'tanic manchuc teme ay mach'a ya xcholbeyex awaiyic sc'oplale”, te xie —xi' ta yalel te Pabloe.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Proverbios 27:7

Te mach'a nojel xch'ujt', ma'yuc bi ya sc'an, ni ja'uc te chabe; yan te mach'a ay ta wi'nale, bujts'an ya yaiy te bila ch'ae.

2 Samuel 12:10

Te bit'il ma ba la awich'on ta muq'ue, te la awic'bey te yinam Urías te hitita-winique, te la awinaminbeyixe, ma'yuc bi ora ya xquejch'aj te lajel ta milel ta stojol te mach'atic ay awu'une.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Josué 24:27

Jich la yalbey spisil te lume: —Te tone ja' me ya xtuun cu'untic ta testigo. Ja' me testigo yu'un spisil te bila yalojbotic te Cajwaltique. Ja' me testigo ta atojolic ja'ex, swenta yu'un ma xapasic ta lot te Diose —xi'.

Éxodo 16:13

Jich yu'un ta mal c'aal talic te x'ubetique. Noj nax yu'unic te scampamento te israeletique. Yan te c'alal sacub te q'uinale ay bila t'ulajtic jichuc ts'ujul ta spamal lum ta sjoyobalic.

Éxodo 16:8

La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

Números 11:19

Ma me jun chebuc nax c'aal, ni jo'eb c'aal, ni lajuneb c'aal, ni jtab c'aal. Ma jichuc.

Números 11:21

Jich yu'un te Moisés la sjac': —Te lum te sjoinejonic tel, olil xcha'bajc' ta jmil (600,000) winiquetic te ya xju' yu'unic guerra. ¿Yu'un bal ya awal te ya awac'botic ti'bal jti'tic ta sjunal u?

Éxodo 16:3

Jich la yalic: —¡Teyuc la smilotic a te Cajwaltic ta Egipto! Tey joinejtic ta naclej te yoxmal jti'baltic, we'otic ta lec ja' to c'alal la sc'an co'tantic. Yan te ja'exe la awic'otic tel yu'un ya amilotic ta wi'nal jpisiltic ta jochol taquin q'uinal —xiic.

Números 11:13

¿Banti ya xba jtabey tel ti'bal sti'ic spisil te lume? Ya xtalic ta oq'uel ta jtojol: “Ac'botic ti'bal jti'tic”, te xiique.

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

Números 14:4

Soc jajch' yalbey sbaic: —Ac'a jletic jtuluc jtsobwanej cu'untic, jich ya sujt'otic bael ta Egipto —xiic.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 20:4

¿Bistuc la awiq'uic tel te lum yu'un Cajwaltic ta jochol taquin q'uinal? ¿Yu'un bal ya ac'an te ya xlajotic, soc te chambalametic cu'untique?