Números 11:17 - Bible in Tzeltal de Oxchuc y Tenejapa

¹⁷ Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Bible in Tzeltal Bachajón

¹⁷ Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 11:17 Referans Kwoze

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Números 11:25

Jich yu'un te Cajwaltic coj tel ta tocal, c'opoj soc Moisés. Ora la sloq'uesbey olil te espíritu te ay ta yo'tan te Moisés, la yac'bey te lajuneb xchanwinic (70) mamaletique. Te espíritu ain ta yo'tanic, jajch'ic ta c'op jichuc j'alwanejetic. Ma'yuquix bay la xcha'pas ta yan buelta.

1 Corintios 2:12

Te jo'otique, ma ja'uc quic'ojtic te espíritu yu'un te balumilale. Ja' quic'ojtic te Espíritu te talem ta bay te Diose, swenta yu'un jich me ya jna'tic stojol a te bila yac'ojbotic te Diose.

2 Reyes 2:9

Te c'alal c'axiquix bael ta ja', te Elías jich la yalbey te Eliseo: —Albon te bi ya ac'an te ya jpasbat ta awenta, te bit'il li' ayon to ta ats'eel —la yut. La sjac' te Eliseo: —Ya jc'an te mero c'axem xan jich ya quich' te espíritu te bit'il ja'ate, jich te bit'il ya yich' jilel sbiluc stat te sba-nich'anile —xi'.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

2 Reyes 2:15

Te j'alwanejetic yu'un Dios te ayic ta Jericó te yac ta yilel ta c'ubul, jich la yalic te c'alal la yilic: “¡Te espíritu yu'un te Elías, jilix ta swenta Eliseo!” xiic. Ba staic tel, la squejan sbaic ta stojol,

Romanos 8:9

Ja'uc me to, te ja'exe, ma me ja'uc cuxulex xan ta swenta te abaq'uetalique. Ja'uc me cuxulex ta swenta te Espiritue, nainemuc ta awo'tanic te Espíritu yu'un te Diose. Yan teme ma nainemuc ta awo'tanic te Espíritu yu'un te Cristoe, ma yu'unuquex Cristo abi.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

Nehemías 9:20

Soc xan, la awac'bey te buen lequil espíritu awu'un swenta yu'un ya xp'ijubtesotic yu'un. Ma'yuc bi ora com ta we'el yu'unic te maná, spisil ora la aticunbey, spisil ora la swe'ic. Soc la awac'bey ja' yuch'ic, swenta yu'un jich lamaj staquinti'ilic a.

Éxodo 18:22

Ja'ic me ac'a xchajbanic te lum ta spisil ora. Ta bay muc'ul c'opetic, ac'a yich'ic tel ta atojol. Yan te bay peq'uel sc'oplal, ac'a xchajbanic stuquelic. Jich me ya xcolat yu'un te ijc'atsil te ay ta awentae, ja' me ya scoltayat ta xcuchel c'oem.

Judas 1:19

Ja'ic me te ya yac'beyex axat abaique. Ja' nax ay sc'oplal ta yo'tanic te bila ya sc'an te sbaq'uetalique, te melel ma'yuc ta yo'tanic te Espíritu yu'un te Diose.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

Números 12:5

Te Cajwaltic coj tel ta pimil tocal, tey la yac' sba ta yochibal te Nailpaq'ue. Ta ora la yic' te Aarón soc te María. Jich la stejc'an sbaic ta stojol

Éxodo 19:20

Te Cajwaltic tey coj tel a ta bay slajibal jol wits Sinaí. Albot te Moisés te ya xmo bael tey a ta ba ay te Diose. Jich mo bael te Moisés.

Génesis 11:5

Te Cajwaltic coj tel yil te muc'ul lum soc te muc'ul toyol ts'ajc' te yacalic ta spasel te winiquetique.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Números 27:18

Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

Éxodo 34:5

Te Cajwaltic coj tel ta tocal, tey la sta sba soc a te Moisese. Te Cajwaltic la yal te sbiile.

Éxodo 19:11

Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Génesis 17:22

Te Diose laj yo'tan ta sc'oponel te Abraham, jich ijq'uitayot yu'un.

Génesis 17:3

Jich te Abram la stinan sba coel c'alal ta lum ta stojol Dios, jich c'oponot xan yu'un:

Éxodo 18:18

ya me xlubat te ja'ate. Soc ya me xlub uuc te lum te ya smaliyate. Melel te at'ele muc' te ya xtal ta atojole, ma me xju' awu'un spasel atuquel.

Isaías 63:11

La sna'ic te bit'il ay te namey q'uinale, ja' te Moisés te la yac' ta libre te slumale. Jich la sjojc'obey sbaic: —¿Banti ay te Dios te la scoltay loq'uel ta muc'ja' Nilo te Moisés, te ja' jcanantaywanej yu'un te chijetique? ¿Banti ay te Dios te la yac'bey ta stojol Moisés te ch'ul espíritu yu'une?

Números 7:89

C'alal och bael Moisés ta Nailpac' te bay ya yich' c'oponel te Cajwaltic, te yu'un ya sc'opone, la yaiybey stojol te ya xloc' tel sc'op tey ta sba cajón yu'un trato, ta yolil sloc'omba te querubinetique.