Números 11:15 - Bible in Tzeltal de Oxchuc y Tenejapa

¹⁵ Teme jich ya apasbon bael bit'il in to, ja' lec pojbon jcuxlejal teme ayon ta awo'tane. Jich me ma ba ya quil bayal c'opetic, teme lec te bila ya cale —xi' te Moisese.

Bible in Tzeltal Bachajón

¹⁵ Teme hich yac apasbone, awocoluc milawon, teme lec awo'tan ta jtojol, scuenta yu'un ma ba ya quil te jwocole, xchi.

Números 11:15 Referans Kwoze

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Jeremías 20:18

¿Bi yu'un te loc'on tel ta xch'ujt' te jme'e, te ja' nax tal caiy xc'uxul mel-o'tan ta q'uinal, swenta yu'un potsbilon ta q'uexlal ya xch'ayon bael ta q'uinal soc jcuxlejal?

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Sofonías 3:15

Te bit'il chapal ac'oplal te ya awich' castigo, la slajinbeyix sc'oplal te Cajwaltic, soc la stenix bael te acontrotaque. Te Cajwaltic, te Muc' Ajwalil yu'un Israel, ay me ta awolilic; ma'yuc bila amen ya axi'ic.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

Santiago 1:4

C'axem to xan ac'a me yich' yip te awo'tanique, swenta yu'un jich me ts'acal ya ach'uunic te Diose. Jich ma'yuquix bi yan ya sc'an awu'unic a.

Jeremías 15:18

¿Bi yu'un te ma xcom te bila c'ux ya caiye? ¿Bi yu'un te ma'yuc ta poxtayel te quejch'ene, te ma xch'uun te jayebuc te poxtayele? Jich c'oemat ta jtojol te bit'il beja' te ya xlo'laywan, te ma staleluc ay ya'lele.

Job 7:15

Ja' wan lec te yacuc asut'bonix te jnuq'ue; ja' ya jc'anix te ya xlajone, ma jc'anix te cuxulone.