Números 10:35 - Bible in Tzeltal de Oxchuc y Tenejapa

³⁵ Jujun buelta te c'alal ya xjajch'ic ta beel soc te cajón, te Moisés jich ya yal: —¡Jajch'an, Cajwal! ¡Ac'a spuc sbaic bael te acontrotaque! ¡Te c'alal ya yilat, ac'a anuquic bael! —xi' ta yalel.

Bible in Tzeltal Bachajón

³⁵ Te c'alal ya xhahch bahel te scaxahul te chapbil-c'op, hich ya yal te Moisés: ¡Hahchan, Jehová! ¡Ac'a spuc sbahic bahel te acontratac, soc ac'a ahnicuc bahel te mach'atic ya yilintayat! xchi.

Números 10:35 Referans Kwoze

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Salmos 132:8

Cajwal, jajch'an soc te cajón awu'un te ay awu'el tey a, la' ta wits te banti ya acux awo'tane.

Deuteronomio 32:41

Ja' yu'un te c'alal ya juxbey ye te jpuñal te mero xlemet naxe, c'alal ya xjajch'on ta stojil chajbanwanej, ya me jsujt'esbey spacol ta stojolic te jcontrotaque. Ya me cac'bey c'otuc ta swentaic te bila sleojic te mach'atic ya yilayonique.

Deuteronomio 7:10

Pero jc'axel me ya slajin stuquel te mach'atic ya x'ilayot yu'une. Ja' ni me ya yac'bey ta swentaic te bitic lebil yu'unique. ¡Ma wocoluc ya yac'bey te bila sleojic te mach'atic ya x'ilayot yu'une!

1 Samuel 4:3

Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

Salmos 9:19

Jajch'an, Cajwal, ma me lecuc awo'tan yu'un te toybail yu'un te ants-winiquetique. Te mach'atic ma'yuc ta atojole albeya ta jamal te amen te yat'elique.

Salmos 94:16

¿Mach'a ya xjajch' tel te ya xc'opoj cu'un ta scaj te mach'atic amen yat'elique?

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.