Números 10:34 - Bible in Tzeltal de Oxchuc y Tenejapa

³⁴ Ta jujun c'aal, teme ya xloq'uic ta beel, te tocal yu'un Cajwaltic axintesbilic bael yu'un.

Bible in Tzeltal Bachajón

³⁴ Te tocal yu'un Jehová la yaxintes bahel ta c'ahc'alel te snich'nab Israel te c'alal hahchic ta behel.

Números 10:34 Referans Kwoze

Salmos 105:39

Dios la slim bael tocal ta sbaic, swenta smajq'uilic yu'un; ta ajc'ubal la yac' bael c'ajc' ta stojolic yu'un la yac' sacubuc q'uinal.

Nehemías 9:19

Pero te ja'ate ta swenta nax te la ana'bey yo'bolil sbaique, ma ba la apijt'es te c'alal ayic ta jochol taquin q'uinal ae. Te balal tocale ma ba pijt'esotic yu'un ta c'aaleltic, ic'otic ta beel yu'un. Ja' nix jich te c'ajc' balale, ma ba pijt'esotic yu'un ta ajc'ubal, la yac' xojobil ta stojolic, jich la yil sbeic te banti ya sc'an ya xbajt'ique.

Nehemías 9:12

La awic' ta beel ta c'aaleltic soc balal tocal. Ta ajc'ubal la awac'bey yil balal c'ajc', swenta yu'un ya yil sbeic ta beel a te banti ya sc'an ya xbajt'ique.

Números 10:35

Jujun buelta te c'alal ya xjajch'ic ta beel soc te cajón, te Moisés jich ya yal: —¡Jajch'an, Cajwal! ¡Ac'a spuc sbaic bael te acontrotaque! ¡Te c'alal ya yilat, ac'a anuquic bael! —xi' ta yalel.

Éxodo 40:38

Melel te tocal yu'un Cajwaltic, ta c'aaleltic ya x'ain ta sba te ch'ul awilale. Yan te ajc'ubal ya xc'atp'uj ta c'ajc' te ya x'ain ta sba. Jich la yilic spisil ora te israeletic te jayeb c'aal beenique.