Números 10:33 - Bible in Tzeltal de Oxchuc y Tenejapa

³³ Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Bible in Tzeltal Bachajón

³³ Hich loq'uic bahel ta wits yu'un Jehová, oxeb c'ahc'al behenic bahel. Te scaxahul te chapbil-c'op yu'un Jehová ha nahilij bahel yu'unic oxeb c'ahc'al, yu'un yac slehbel banti ya scux yo'tanic.

Números 10:33 Referans Kwoze

Deuteronomio 1:33

ja' te neelajem awu'unic te la stsa te banti ya yaq'uex ta cux-o'tane. Ta ajc'ubal chicnaj c'ajc' ta toyol yu'un la yac'beyex awilic a te be te ya at'unic baele; ta c'aaleltic la yac'beyex awilic ta swenta tocal.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Jeremías 3:16

Te c'alal esmajexix a te alumalic te ja'exe, soc te ayix bayal anich'nabic a, ma me ayuc jtuluc ya yalbey xan sc'oplal te scajonil trato yu'un te Cajwaltique. Ma me ayuc mach'a ya xc'opoj yo'tan jtuluc, ni ma me ayuc mach'a ya sna' xan. Ma me ayuquix falta, ni ma me yich'ix pasel ta yach'il. Jo'on Ajwalilon te ya cal te jc'ope.

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

Isaías 28:12

Ja' stuquel te la yalbey yaiyic ta neelale: —Tey ay te lamal q'uinale, tey ay te cux-o'tanile; ac'a xcux yo'tan yu'un te jasjonele —xi'. Pero ma la sc'an yich'ic ta muc'.

Salmos 95:11

Ja' swentail te la cal ta jamal ta sc'ajc'al co'tan, te jc'axel ma me x'ochic ta bay awilal cu'un ta swenta cux-o'tan”, xoon yu'unic.

1 Samuel 4:3

Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

Jueces 20:27

Ja' yorail ay ta Betel a te scajonil trato yu'un Dios, soc te sacerdote yu'un, ja' te Finees, te snich'an Eleazar soc ja' smam te Aarón. Te israeletic la sjojc'obeyic te Cajwaltic: —¿Ya to bal xju' ya cac'beytic guerra te quermanotactic sts'umbal Benjamín, o ja' bal lec jichuc jiluc te bit'il la stsalotique? —xiic. Te Cajwaltic la yal: —Baan ac'beyaic guerra, pajel ya cac'beyex ta ac'abic —xi'.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Deuteronomio 31:26

—Ila, tsacaic te libro yu'un mandaliletic in to. Ac'aic ta xujc' te scajonil te trato yu'un te Cajwaltic Diose, swenta yu'un tey me ya x'ain a, soc swenta yu'un ja' me testigo ta atojolic.

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

Números 10:12

Te israeletic jajch'ic ta beel, la yijq'uitayic jilel te jochol taquin q'uinal ta Sinaí, bajt'ic ta yan jochol taquin q'uinal Parán.

Éxodo 19:3

Tey mo bael a te Moisés, tey ba sta sba soc a te Diose, yu'un c'alal ta wits ic'ot moel yu'un te Cajwaltique, jich la yal: —Albeya te alumal te sts'umbal Jacob, ja' te israeletique:

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Jeremías 31:2

Te Cajwaltic ya yal: —Ta jochol taquin q'uinal la cac'bey yil yutsil co'tan ta stojol te lum colic xan ta lajele. C'alal la sleic ta bay ya xcux yo'tan Israel,