Números 10:29 - Bible in Tzeltal de Oxchuc y Tenejapa

²⁹ Ay jun c'aal te Moisés la yalbey te sbal Hobab, snich'an Reuel te madianil winique: —Te jo'otic ya xbootic ta lumq'uinal te yalojbotic Cajwaltic te ya yac'botique. La', joinawotic, jun me co'tantic ta atojol, melel te Cajwaltic yaloj ta jamal te buen lec yo'tan yu'un Israel —xi' te Moisés.

Bible in Tzeltal Bachajón

²⁹ Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Números 10:29 Referans Kwoze

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Jueces 4:11

Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Éxodo 2:18

C'alal sujt'ic bael ta stojol te statique, jojc'obotic yu'un: —¿Bit'il ay a te sujt'ex tel ta orae? —xi'.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Hechos 7:5

Pero ma ba ac'bot yu'unin jxejt'uc te q'uinale, ni ayuc yawil sna. Ja'uc me to, jamal albot yu'un Dios te ya x'ac'bot sq'uinalinic te q'uinale, soc te c'alal ya xlaje, ja' ya yu'unin te snich'nabe, manchuc teme ma'yuc snich'an chican a te c'alal albot jiche.

Jeremías 50:5

Ya me sjojc'oyic bael te sbelal Sión, tey me ya xbajt'ic a. Jich me ya yalic bael: “La'ic ta bay Cajwaltic, jun nax ya cac' jbatic soc, ya jpastic jun trato sbajt'el q'uinal te mero ma xch'ay ta o'tanile”, xiic me.

Isaías 2:3

bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

Salmos 34:8

Pasaic prueba te Cajwaltic, soc ilawilic te ja' mero lec stuquel. Bin nax yutsil te mach'a ya smuc'ulin yo'tane.

1 Samuel 15:6

Jich la yalbey te quenitaetic: —Q'ueja abaic. Loc'anic bael ta yolil te amalequetic, swenta yu'un ma me pajaluc ya awich'ic lajinel soc, melel lec awo'tanic ta stojol israeletic te c'alal yacalic talel ta Egipto a —la yut. Jich te quenitaetic loq'uic bael ta yolil te amalequetique.

Jueces 1:16

Te sts'umbal Hobab te quenita-winic, te snialmamal Moisés, loq'uic bael ta lum Palmaetic, sjoinej bael te sts'umbal Judá. Bajt'ic ta bay te jochol taquin q'uinal yu'un Judá te ay ta stojol sur yu'un lum Arad. La sjoin sbaic ta nainel soc te yajwal q'uinal tey a.

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Éxodo 18:27

Te snialmamal te Moisés la spatbey jilel yo'tan, sujt' bael ta slumal.

Éxodo 18:1

Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Números 10:28

Jich la xchol sbaic ta beel ta chajbalchajp te soldado-israeletic te c'alal jajch'ic ta beele.

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Deuteronomio 30:5

Te Cajwaltic ya me yiq'uex xan tel yan buelta li' ta lumq'uinal to te banti nainic te antiguo ame'-atatique, te ja'exe ya me yac'bat xan awu'uninic. Ya me yac' jajch'uquex xan, soc c'ax me jich ya yac' esmajuc awal-anich'nab a te bit'il te antiguo ame'-atatique.

Salmos 95:1

La'ic, la' jc'ajintaytic Cajwaltic soc yutsil co'tantic; jc'ajintaytic te ja' jcanantaywanej soc te ja' jcoltaywanej cu'untique.

Salmos 100:1

C'ajintayaic soc yutsil awo'tanic te Cajwaltic, ja'ex te nainemex ta spamal te balumilale.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Éxodo 2:21

Te Moisés la xch'uun iq'uel ochel. Tey nain a, la sjoin ta nainel te Reuele. Ta patil te Reuel la yac'bey yinamin te jtul yantsil-nich'ane ja' te Séfora sbiile.