Números 10:25 - Bible in Tzeltal de Oxchuc y Tenejapa

²⁵ Ta slajibal te ayic ta spat te yantic soldadoetic, ja' te mach'atic ayic ta beel soc te bandera yu'un Dan, te ja' jtsobwanej yu'unic te Ahiezer te snich'an Amisadai.

Bible in Tzeltal Bachajón

²⁵ Patil hahch ta behel te bandera yu'un te snich'nab Dan, ta scuenta te jujutsohb yu'unic, ha te ayic ta slajibal ta behel yu'un spisil te campamentohetique. Te Ahiezer snich'an Amisadai, ha jtsobaw yu'un te jtsohb soldadohetic yu'unique.

Números 10:25 Referans Kwoze

Josué 6:9

Te winiquetic te yich'oj yat'ejibic yu'un guerra, neelajic c'axel ta stojol te sacerdoteetique. Ay xan beenic bael ta scanantayel ta spat te scajonil trato. Te sacerdoteetic tey yacalic ta yoq'uesinel xulubil yu'unic, mero ma scom sbaic ta yoq'uesinel.

Números 1:12

“Ta swenta sts'umbal Dan: ja' te Ahiezer snich'an Amisadai.

Isaías 58:8

Jich yu'un ya sacub q'uinal awu'un ta stojol yantic, jich bit'il ya sacub tel te q'uinale. Te awejch'enique, ora nax ya xcolic. Te atojile ya xneelaj bael ta atojol, yan te xojobil cutsilale, ta apat ya sjoinat bael.

Isaías 52:12

Ja'uc me to, ma animalticuc nax ya xloq'uex bael; ma me aneluc ya xloq'uex bael. Melel te Cajwaltic te Dios yu'un Israel ya me scanantayat ta bayuc.

Números 7:66

Ta slajunebal c'aal la yich' tel majt'anil Ahiezer te snich'an Amisadai, jtsobwanej yu'un sts'umbal Dan.

Números 10:24

Ta stojol te soldadoetic yu'un te sts'umbal Benjamín, tey been a te Abidán te snich'an Gedeoni.

Números 10:26

Ta stojol te soldadoetic yu'un te sts'umbal Aser, tey been a te Pagiel te snich'an Ocrán.

Josué 6:13

Te juctul sacerdoteetic neelajic bael, patil ay te cajón yu'un te Cajwaltique. Ma ba quejch'ajic ta beel soc ma ba quejch'ajic ta yoq'uesinel te xulubil yu'unique. Te winiquetic te yich'oj yat'ejibic yu'un guerra, neelaj bael stuquelic, te yantique beenic bael ta spat te cajone. Te xulubil yu'unique ma ba quejch'ajic ta yoq'uesinel.