Números 10:17 - Bible in Tzeltal de Oxchuc y Tenejapa

¹⁷ Jich jajch'ic ta spaquel spac'al te Nailpac' Templo te mach'atic sts'umbal te Gersón soc Merari, te ja'ic te ay ta swentaic sq'uechel, jich jajch'ic ta beel.

Bible in Tzeltal Bachajón

¹⁷ C'alal pacticlambilix a te spac'al te Nahilpac' Templo, hahchic ta behel te snich'nabic Gersón soc Merari, la yich'ic bahel.

Números 10:17 Referans Kwoze

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

2 Pedro 1:14

Yu'un yac'ojbonix jna' stojol te Cajwaltic Jesucristo te nopolix ya quijq'uitay jilel te jcuxlejal ta q'uinale.

Hebreos 12:28

Te bit'il jo'otic ya x'ac'ot ainucotic yu'un Dios tey a te banti ma stac' ta jinele, jich yu'un ac'a me calbeytic bayal wocol yu'un. Spisiluc me co'tantic ya cac' jbajtic ta abatinel ta stojol te Diose. Lecuc me yo'tan cu'untic, soc bayaluc me sc'oplal ta co'tantic te ya jlajin jbatic ta stojole.

Hebreos 9:11

Ja'uc me to, xtaluquix te Cristoe, ja' te Muc' Sacerdote cu'untic te swentainej te utsilal te ya yac'botic ta patile. Te templo te banti yac ta at'el ta sacerdoteile c'axem to xan lec soc c'ax jich ay yutsilal stuquel te bit'il ay te sbabiale. Melel ma pasbiluc ta sc'ab ants-winiquetic stuquel, ja' bi ma ja'uc te bitic pasbil ta balumilale.

Números 10:16

Ta stojol te soldadoetic yu'un te sts'umbal Zabulón, tey been a te Eliab snich'an Helón.

Números 10:21

Patil bajt'ic te sts'umbal Coat te la yich'ic bael te ch'ul biluquetique. Te c'alal ya xc'otic, chapalix ch'ul awilal yu'unic a te ya xc'o staique.

1 Crónicas 23:24

Ja'ic te sts'umbalic Leví, ja' chican bit'il ayic ta juju-jchajp te yich'ojic ts'ibuyel sbiilic ta censo, te ja' jwolwanejetic yu'un juju-jchajp te ayic ta jtab ya'wilalic baele. Ja'ic te swentainejic te at'el ta templo.