Números 1:54 - Bible in Tzeltal de Oxchuc y Tenejapa

⁵⁴ Te israeletic jich la spasic spisil te bit'il nix yaloj mandal Cajwaltic ta stojol Moisés.

Bible in Tzeltal Bachajón

⁵⁴ Te snich'nab Israel la spasic spisil hich te bin ut'il halbot yu'un Jehová te Moisés.

Números 1:54 Referans Kwoze

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Números 2:34

Te israeletic jich la spasic spisil te bit'il yaloj mandal Cajwaltic ta stojol Moisés: juju-jchajp la spas scampamentoic ta bay te sbanderaic, beenic soc te mach'atic pajal sbiilic ta juju-jchajbe.

Éxodo 40:32

Ya spoc sbaic tey a te c'alal ya x'ochic bael ta Nailpac' te bay ya yich' c'oponel Dios, soc te c'alal ya xc'ot ta bay scajtijib ta chiq'uel te majt'anil, jich bit'il yaloj mandal Cajwaltic ta stojol te Moisese.

Éxodo 40:16

Te Moisés jich la spas spisil te bit'il nix albot mandal yu'un te Cajwaltique.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

Éxodo 39:32

Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Números 2:1

Te Cajwaltic la sc'opon Moisés soc Aarón, jich la yalbey:

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Números 1:19

jich bit'il yaloj mandal Cajwaltic ta stojol Moisés. Ja' te censo la yich' pasel ta jochol taquin q'uinal ta Sinaí.

Números 8:20

Te Moisés, te Aarón soc spisil te lum Israel la xch'uunic spasel te bila mandal la yal Cajwaltic ta stojol Moisés ta swenta te levitaetique.

Números 9:5

Ja' yu'un jich la spasic ta xchanlajunebal sc'aalelal te u, ta yijc'ubel q'uinal ta bay jochol taquin q'uinal Sinaí, jich nix la yich' pasel spisil te bit'il mandal yaloj Cajwaltic ta stojol te Moisés.

Números 9:22

Teme la scom sba ta sba te ch'ul awilal te tocal, teme cheb c'aal, teme jun u, o teme jun ja'wil, jich jun nax yo'tanic la spas scampamentoic, ma ba jelawic bael. Ja'uc me to, teme jajch' ta beel te tocale, jich yu'un te israeletic jajch'ic ta beel.

Números 36:10

Jich yu'un te Maala, Tirsa, Hogla, Milca soc Noa, te yantsil-nich'nab Zelofehad, jich la spasic te bit'il yalojbey mandal Cajwaltic te Moisés: nujbinic soc te snich'nab stajunic,