Números 1:32 - Bible in Tzeltal de Oxchuc y Tenejapa

^32-35 Te mach'atic sts'umbal José, loc' cha'winic ta jmil soc jo'winic xcha'bajc' (40,500) sts'umbal Efraín; soc te sts'umbal Manasés loc' lajchayeb xcha'winic ta jmil soc lajunwinic (32,200).

Bible in Tzeltal Bachajón

³² Te sts'umbal José: ha te sts'umbal Efraín, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra:

Números 1:32 Referans Kwoze

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Génesis 46:20

Te José ayin cheb snich'nab ta Egipto: Manasés soc Efraín, te yalatac Asenat, te yantsil-nich'an te sacerdote yu'un lotil dios ta lum On, Potifera sbiil.

Génesis 30:24

Yacuc to yac'bon xan yan jquerem-al ta patil”, xi'. José sbiil c'ot yu'un.

Deuteronomio 33:13

Sc'oplal José, jich la yal: —Ac'a yich' bendición yu'un Cajwaltic ta slum-sq'uinal, ja' me te buen t'ujbil sts'ujulel te ch'ulchane, soc te buen t'ujbil ja' ay ta sc'ubulil te lumq'uinale.

Jeremías 7:15

Ya jch'ojex loq'uel ta jtojol te ja'exe, jich bit'il la jch'oj loq'uel te awermanotac, ja' te sts'umbal Efraín”, xaat me ta stojolic —xi' te Cajwaltic.

Abdías 1:19

Te israeletic te ayic ta Néguev ya me x'och yu'uninic te witstiquil yu'un Esaú; soc te israeletic te ayic ta peq'uel witstiquil ya me x'och ta sc'abic sq'uinalic te filisteoetique. Ja' nix jich ya yu'uninbeyic sq'uinal Efraín soc sq'uinal Samaria. Te sts'umbal Benjamín ya me yu'uninic Galaad. Yan te tsobol israeletic te yantesbil slumalique, ya me x'och yu'uninbeyic te sq'uinal cananeoetic c'alal ta lum Sarepta. Soc te jayeb yajwal Jerusalén te ic'otic bael ta mosoil ta sq'uinal Sefarad, ya me x'och yu'uninic te lumetic te ay ta Néguev.