Números 1:3 - Bible in Tzeltal de Oxchuc y Tenejapa

³ te ayic ta jtab ja'wil bael te ya xju'ix yu'unic guerra. Najc'anbeya te sbiilic ta jun swenta soldado. Ja' me ya scoltayat te Aarón soc

Bible in Tzeltal Bachajón

³ Te mach'atic ayic ta jtahb (20) ya'bilal bahel, ha'at soc Aarón ya me awahtayic spisil mach'atic ya xhu' ya xbahtic ta guerra, ta scuenta jujuchahp soldado yu'unic.

Números 1:3 Referans Kwoze

Éxodo 30:14

Spisil te mach'atic ochemic ta jun te jtab ya'wilalic baele, ya me yaq'uic taq'uin ta jtojol te Ajwalilone.

Números 14:29

Spisilic te mach'a muq'uic te ay jtab ya'wilal te ochemic ta censo te la sbolc'optayone, ya me xlajic. Te sbaq'uetalique ya xjilic ta jochol taquin q'uinal.

2 Samuel 24:9

Te Joab c'o yalbey te muc' ajwalil te jayeb loc' te censo. Ta Israel loc' cha'bajc' ta jmil (800,000) te winiquetic te ya xju' yu'unic guerra. Ta Judá loc' jo'winic xcha'bajc' ta jmil (500,000) ta jtul.

Deuteronomio 24:5

“Teme ay nujbinel to te winique, ma me xju' ya xbajt' ta guerra, soc ma me ayuc bila at'elil ya yich' sujel ta spasel, ja' to me teme c'ax yu'un jun ja'wile. Jich me ya x'ain ta libre ta sna ta sjunal te ja'wile, swenta yu'un bin nax me yo'tan ya x'ain a te yiname.

Deuteronomio 3:18

“Ta sc'aalelal in to, la calbeyex mandal: “Te Cajwaltic Dios cu'untic ya yac'beyex awu'uninic te lumq'uinal in to. Ta apisilic ja'ex te ya ana'ic yaq'uel guerra, tsacaic te awat'ejibic yu'un guerra, baanic soc te alumale, ja' te israeletique.

Números 33:1

Ja' juju-jmajc' beenic israeletic te c'alal loq'uic tel ta Egipto te xtiq'uetic nax loq'uel tele, te ic'wanejetic yu'unic ja' te Moisés soc Aarón.

Números 32:11

“Te mach'atic loq'uic tel ta Egipto te ayic ta jtab ya'wilalic baele, ma me x'ac'bot yilic te q'uinal te mero muc' sc'oplal calojbey te Abraham, Isaac soc Jacob, melel ma junuc yo'tanic la xch'uunbonic jc'op.

Números 26:2

—Ac'aic ta censo spisil ta chajbalchajp te israeletic te ayic ta jtab ya'wilalic baele, te ya sna'iquix guerra —xi' te Cajwaltique.

Éxodo 12:17

Te bi c'aalil ya yich' we'el te waj te ma ba yich'oj levadura, jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique.

Éxodo 38:26

Spisilic la yac' sbaic ta censo te mach'atic c'axem ta jtab ya'wilal, loc' olil xcha'bajc' ta jmil soc oxmil soc lajuneb swaxacwinic xcha'bajc' (603,550) ta jtul. Juju-jtul la yaq'uic jo'eb soc olil gramo plata, jich bit'il albil sc'oplal sp'isol yalal ta ch'ul awilal.

1 Crónicas 5:18

Te sts'umbal Rubén, te Gad soc te olil sts'umbal Manasés, buen tulanic ta soldadoil, chapalic soc smajq'uilic soc yich'oj spuñalic soc st'imic, buen p'ijubenic ta spasel guerra. Ay chaneb yoxwinic ta jmil soc waxaclajunwinic xcha'bajc' (44,760) winiquetic te nojpenic ta yaq'uel guerra.

2 Crónicas 25:5

Te Amasías la stsob tel spisil te yajwal Judá soc Benjamín, la xchajban ta chajbalchajp, la yac'bey comandanteetic yu'unic ta swenta jmil (1,000) soc ta swenta jo'winic (100). Ta patil la yac' ta censo spisil te mach'atic ay jtab ya'wilal baele. Loc' jo'lajunwinic ta jmil (300,000) soldadoetic te tsabilic, chapalic ta swenta guerra, ya sna'ic yaq'uel ta lec lanza soc ya sna'ic stuuntesel te smajq'uilique.

Números 3:15

—Ac'a ta censo te levitaetic ta swenta chajbalchajp snaic soc chajbalchajp sbiilic. Ts'ibuya ta jun ta spisilic te levitaetic, c'alal ta jun u yayinel —xi' te Cajwaltique.

Números 4:3

te ayic ta lajuneb xcha'winic (30) ya'wilalic c'alal ta lajuneb yoxwinic (50), te ya xju' yu'unic at'el ta abatinel ta Nailpac' te bay ya quich' c'oponele.