Nahúm 3:7 - Bible in Tzeltal de Oxchuc y Tenejapa

⁷ Spisilic te mach'a ya yilate, ya me x'anic bael awu'un, jich me ya yalic: “Te Nínive jinotix. ¿Mach'a ya sna'bey yo'bolil sba? ¿Banti ya sta mach'a ya xmuc'tesbot q'uinal yaiy?” xi' me ac'oplal.

Bible in Tzeltal Bachajón

⁷ Spisil te mach'a ya yilat, ya me x'ahnic bahel ta atojol soc hich me ya yalic: ¡Jimbilix te Nínive! ¿Mach'a ya sna'be yo'bolil sba? ¿Banti ya jtahbat mach'atic ya smuc'ubtesbat q'uinal awa'iy?

Nahúm 3:7 Referans Kwoze

Jeremías 15:5

“¿Mach'a c'an sna'bat yo'bolil aba, Jerusalén? ¿Mach'a c'an sna'bat ac'uxul te ja'ate? ¿Mach'a c'an smel yo'tan yu'un te ayat ta chamele?

Isaías 51:19

Ja' tal ta atojol cheb woclajel: ja' te la yich' jinel te alumal soc la yich' pojel loq'uel te sbiluquile, soc ja' te lajic yu'un wi'nal soc ta guerra te ajo'taque. ¿Mach'a a te ya sna'bat yo'bolil aba? ¿Mach'a a te ya smuc'tesbat q'uinal awaiye?

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

Jeremías 51:9

La cac'beytiquix xpoxil te Babilonia; ja'uc me to, ma ba col yu'un. Ijq'uitayaic jilel, loc'ucotic bael li'to, boucotic ta jlumaltic juju-jtul. Melel te smule, c'oem c'alal ta ch'ulchan, jajch'em moel c'alal tocal.

Números 16:34

C'alal chicnaj yawic, spisil te israeletic te ayic ta sjoyobal, loq'uic ta animal, soc jich la yalic bael: —¡Ma me sbic'otic bael te lumq'uinale! —xiic.

Nahúm 1:1

Te libro yu'un te j'alwanej Nahúm, te talem ta lum Elcos, ja' te bila ac'bot sna' stojol yu'un Dios, te bit'il ay sc'oplal te lum Nínive.

Jeremías 50:18

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya cac'bey castigo te muc' ajwalil yu'un Babilonia soc te slumale, jich bit'il la jpasbey te muc' ajwalil yu'un Asiria.

Sofonías 2:13

Soc ya me stoy bael sc'ab ta scontroinel ta norte ta swenta slajinel te Asiria. Tan ya xjil te lum Nínive, ya xc'atp'uj ta jochol taquin q'uinal.