Nahúm 3:3 - Bible in Tzeltal de Oxchuc y Tenejapa

³ Pajal nax ya xbeen ta tulan te caballoetique. Ya xtil puñaletic, ya xojobaj lanzaetic. Bayal ta jmil j'ejch'enetic, bayal ta jbus te mach'a ya xlajique. Ma xju' ta ajtayel te mach'a lajemique. Te ants-winiquetic tey ya sc'ojch'in sbaic a.

Bible in Tzeltal Bachajón

³ tulan ya x'ahnimajic jmoheletic ta cawu, xliplajan sts'anabul te espada, soc xliplajan sts'anabul te lanza! ¡Bayel ta tuhl te lajemic, busul schamen baq'uetalic, ma xhu' ta ahtayel te chamen baq'uetetic, ya sc'ohchin sbahic a!

Nahúm 3:3 Referans Kwoze

Habacuc 3:11

Te c'aal soc te u ma ba ya xloq'uix tel ta bay yawilic ta scaj te mero muc' xojobil te at'ejibaletic yu'un at'im soc te xojobil te alanzae.

Ezequiel 39:4

Ja'at, soc te soldadoetic awu'un soc te lumetic ajoineje, ya me xlajex ta witsetic yu'un Israel. Tey me ya caq'uex ta stojol spisil ta jchajp mutetic te ya sti'ic baq'uet, soc nix te ja'mal jti'awal chambalametique, swenta yu'un ya sti'ex.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 34:3

Te animaetic ya me yich'ic ijq'uitayel, te sbaq'uetalique ya me xjajch'ic ta tuubel, te xch'ich'elic ya me x'oquin jichuc ja' ta witstiquil.

Nahúm 2:4

Te carretaetic ya x'animajic ta calleetic, ay sc'ajc'al yo'tanic yilel, bayuc nax ya xbajt'ic ta yolil lum. Jichic yilel te bit'il tsumbil c'ajc' te yac ta tilele; jich xlemlajan nax ya xc'ax te bit'il tsantsewal.

2 Reyes 19:35

Ja' nix ta yorail ta ajc'ubal a, te ch'ul abat yu'un Cajwaltic, bajt', c'o smil jo'eb slajunwinic ta jmil (185,000) soldadoetic ta scampamento asiriaetic. C'alal sacub q'uinal ta yorail nix, spisilic lajemic a sacub q'uinal.

Génesis 3:24

Jich a loq'uesot ta awalts'unubil te ants-winique. Ta stojol sloq'uib c'aal Dios la yac' querubinetic, soc ay puñal yac ta tilel tey a te bayuc nax ya sjimulay sba, swenta yu'un ma me ayuc mach'a ya xc'ot ta banti ay te te' ya yac' cuxinele.

Levítico 26:37

Atenten me abaic ta anel, jich te bit'il yacalex ta anel ta guerra, manchuc teme ma'yuc mach'a yacal snutsbelex. Ma me ayuc jtuluquex te ya xju' awu'unic te ya atsac abaic soc te acontroique.

Isaías 66:16

Ta melel, te Cajwaltic ya me spas chajbanwanej ta c'ajc'; ya me xchajban spamal balumilal soc spuñal soc ya me yac' ta lajel tsobol ta jtul.