Nahúm 2:2 - Bible in Tzeltal de Oxchuc y Tenejapa

² Melel te Cajwaltic ya sujt'esbey yutsilal Jacob, ja' te yutsilal Israel. Jich nix bit'il ta neelal, te la apojbey baele, t'anal la awijq'uitayic jilel jich bit'il ste'el ts'usub te ma'yuc sc'ab ya xjile.

Bible in Tzeltal Bachajón

² Como te Jehová ya ya'be xan yutsilal te Jacob, hich te bin ut'il te yutsilal Israel, aunque j'eleq'uetic la spojbeyic sbiluquic soc la sjinic te sc'abc'ab ts'usubiletic yu'une.

Nahúm 2:2 Referans Kwoze

Sofonías 3:11

Te bi ora ya xc'ote, lum cu'un, ma ba ya xq'uexawatix yu'un ni jchajbuc te at'eliletic te la atoy aba ta jtojol yu'une. Melel ya me jloq'uesbat bael ta atojol te jtoybaetic soc te mach'atic muc' yac'oj sbaique; soc ma ba ya awac' xan ta ilel te muc' ya awac' abaic ta bay ch'ul wits cu'un.

Ezequiel 37:23

Soc ma ba ya sboltes xan sbaic ta xch'uunel te loc'ombaetic ilaybil sbae, soc ma ba sleix bayal ta jchajp smulic. Jo'on me ya jch'aybey te cheb yo'tan la spasic ta jtojole. Ya me jlecubtes, jich me ya xch'ay te smulique. Ja'ic me lum ya xc'ot cu'un, jo'on me Dioson yu'unic.

Isaías 60:15

Ma ba ya awich'ix pijt'esel, ni ilayel, soc ma ba atuquel xanix. Jo'on ya cac'batix awutsilal sbajt'el q'uinal, ja' me yutsil q'uinal ya awaiyic sbajt'el q'uinal.

Oseas 10:1

Te Israel jich c'oem bit'il ts'usub, nojel nax yu'un te site. Te bit'il bayal ay te site, bayal la spasic scajtijib majt'aniletic yu'un; te bit'il c'ax bayal yutsil ta jyalel te sq'uinale, jich bayal yutsil te teq'uel tonetic la xch'uunique.

Jeremías 49:9

C'alal ya sloq'uesic ta tulel te ts'usubiltique, ay to jtebuc joc'ajtic ya xjil; c'alal ya xtal eleq'uetic ta ajc'ubal, ja' nax ya yich'ic bael te bila ya xtuun yu'unique.

Jeremías 25:29

Ya me xjajch'on ta yaq'uel tel te castigo ta stojol te lum te cu'unineje. ¿Ya bal acuy te ma ba ya staex te castigoe? Ma'yuc mach'a ma xtaot yu'un, melel ya jticun tel guerra ta stojol spisil te mach'atic ayic ta balumilal. Jo'on Ajwalilon te Spisil ya xju' cu'une’, xi' sc'op”, uta me.

Salmos 47:4

La slebotic jq'uinaltic, te bin nax yo'tan Jacob yu'une, ja' te mach'a c'ux aiyot yu'un te Cajwaltique.

Jeremías 48:11

Moab lamal nax q'uinal la yaiy spisil ora, ma'yuc bay baem ta mosoil ta yan lum. Jich c'oem te bit'il vino te ya sts'ab sba ta yawil, te ma'yuc bay yich'oj aq'uel ta yan yawil, te jich ma xch'ay sbujts', ni ma xch'ay yic'.

Ezequiel 37:21

Jich xawalbey yaiyic: “Jich ya yal te Cajwaltique: ‘Ya me jloq'ues tel te israeletic ta yolil te nacionetic te banti c'alal c'oemic ta loq'uele. Ya me jtsob tel ta bayuc ayic, ya me cac' sujt'uc bael ta slumalic.

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Nahúm 3:14

Chajbana awa'al, swenta yu'un ya xju' xcuxinat a te bit'il macbilat ta yutil lum, tulantesa xan ta bay ya acoltay aba ta ac'opique. Ochan ta ajch'al, wots'a ta teq'uel te ajch'ale, tsacbeya smoldeil te ladrilloe.