Nahúm 2:1 - Bible in Tzeltal de Oxchuc y Tenejapa

¹ Aiya awaiy stojol, Nínive, te jinwanej yaquix ta beel tel ta atojol. Chajbana abaic, canantaya abaic ta yutil te tulanil ts'ajq'ue. Ilawilic te bee. Chuca me ta ach'ujt' te apuñale. Ya me atsob tel ta spisil te soldadoetic awu'une.

Bible in Tzeltal Bachajón

¹ ¡Yac ta talel jinaw ta atojol, Nínive! ¡Chahpana jcananetic ta tulan ahnibal ts'ahc! ¡Ilawil te be! ¡Chuca ach'uht! ¡Tsoba tal spisil awip!

Nahúm 2:1 Referans Kwoze

2 Crónicas 25:8

Teme ya acuy te jich ay yipic te soldadoetic awu'une te ya scoltayex ta guerra, te Dios ya me yac' xyalat ta sit te acontroe, melel te Diose ay yu'el yu'un scoltaybelat soc ay yu'el yu'un sjinbelat —xi' te j'alwaneje.

Jeremías 50:23

Babilonia, te martillo yu'un sjinel spamal balumilal, wuybilix ta jyalel, ts'ubiltic jilel. Bayal xiwel ya yaiy ta yo'tanic te nacionetique, te ya yilic te bila pasbilix ta stojol Babilonia.

Isaías 14:6

melel soc yilimba la yac'bey swocol a te nacionetic, ma ba quejch'aj te majel la yac'beye. La spactibin te lumetic ta sc'ajc'al yo'tan, soc xujt' ma la sna'bey yo'bolil sba ta uts'inel.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Salmos 65:2

melel ya awaiy te jc'optique. Spisil mach'atic ayic ta balumilal ya xtalic ta atojol.

Isaías 29:7

Spisil me lumetic ma xju'ix ta ajtayel te ya yac'bey guerra te Ariel, spisilic te mach'atic ya yac' sbaic ta guerra ta stojole, soc te ya yac'bey guerra ta bay ts'ajq'uetic yu'une, soc nix te mach'atic ya xtenawanic ta uts'inwaneje, jich me ya xc'otic te bit'il waichejel, o jich bit'il te ay bila yac ta yilel ta ajc'ubale.

Isaías 29:8

Jich ya xc'otic te bit'il mach'a ay ta wi'nal te ya swaichin te yac ta we'el ta sc'ope; ja'uc me to, te c'alal ya xwijc' sit, ya yaiy te jochol te xch'ujt'e. O jich bit'il mach'a taquin yo'tan te ya swaichin te yac ta yuch'el ja' ta sc'ope, pero taquin yo'tan a te ya xwijc' site, soc bacuben ya yaiy te sbe yiq'ue. Jich ya xc'ot ta stojol spisilic te lumetic te ma p'isbiluc yajtalul te ya yac'beyic guerra te wits Sión.

Isaías 52:7

Bin nax yutsil te mach'a ya xjul ta witstiquil, te mach'a ya yich' tel te lequil c'ope, te mach'a ya yalbey sc'oplal te lamal q'uinale, te mach'a ya yalbey sc'oplal te ainel ta libre. Jich ya yalbey te Sión: —Te Dios awu'une muc' Ajwalil stuquel —xi' me ta aw.