Nahúm 1:8 - Bible in Tzeltal de Oxchuc y Tenejapa

⁸ Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Bible in Tzeltal Bachajón

⁸ Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

Nahúm 1:8 Referans Kwoze

Ezequiel 13:13

Ja' yu'un jo'on Ajwalilon jich ya cal: Ta swenta quilimba ya cac' taluc buen tulan ic'. Ta swenta sc'ajc'al co'tan, ya cac' taluc buen tulan yic'al ja'al, soc ya xch'ay coel tel bat jichuc tonetic. Yu'un jich me ya xlaj spisil ta swenta sc'ajc'al co'tan.

Isaías 28:17

Te bi ya yich' ts'ajc'uyel a, ya jtuuntes ta plomo te toj-o'tanile; soc te bitic toj ta pasel, jich ya xc'ot cu'un te bit'il nivel —xi'. Te anjibal, ja' te lotetic aleojique, ya sjinbeyex te bat ya xyal tele; ya smesbeyex bael snojel ja' ta yawil te ya smaquexe.

Isaías 8:22

soc ta patil ya me yilic ta alan; ma me ayuc bila ya staic, ja' nax me ya staic me'bail soc ijc' q'uinal. Ajc'ubal me ya x'ainic soc mel-o'tan; ta spisilic ya me xmucotic ta ajc'ubal. Te mach'atic tenbilique, ma xju' te ya scoltay sbaique.

Sofonías 2:13

Soc ya me stoy bael sc'ab ta scontroinel ta norte ta swenta slajinel te Asiria. Tan ya xjil te lum Nínive, ya xc'atp'uj ta jochol taquin q'uinal.

Amós 8:8

¿Ma bal yacuc xtal nijq'uel ta lumq'uinal yu'un? ¿Ma bal ya x'oq'uic spisil te yajwale? Te lumq'uinal ya me syuq'uilay sba, jich bit'il ya xmo soc ya xco ya'lel te muc'ja' Nilo.

San Mateo 8:12

Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

San Mateo 7:27

Te c'alal tal bayal te ja'ale, mal c'axel snojel ja' ta banti loq'uem te snae, soc tal bayal ic'. Jc'axel jin jilel te snae —xi' te Jesuse.

Nahúm 2:8

Jich bit'il ja' ya xmal loq'uel ta bay lomen ts'ajc'ul, jich ya x'anic loq'uel te yajwal lum Nínive. “Coma abaic. Sujt'anic tel”, xi' ta yawtaybelic; ja'uc me to, ma'yuc mach'a ya sujt' tel.

Nahúm 1:1

Te libro yu'un te j'alwanej Nahúm, te talem ta lum Elcos, ja' te bila ac'bot sna' stojol yu'un Dios, te bit'il ay sc'oplal te lum Nínive.

Daniel 11:40

“C'alal ya xc'ot yorail te slajibale, te muc' ajwalil ta sur ya me xba yac'bey guerra te muc' ajwalil ta norte. Pero ya me xloc' tel ta stojol jichuc chawuquil ja'al, spisil me yip ya xbajt' ta stojol te muc' ajwalil ta sur. Ya me snojes spisil q'uinal ta carretaetic yu'un guerra, soldadoetic moemic ta caballo, soc bayal barcoetic.

Daniel 11:22

Jc'axel me ya slajin te mach'a ay yip ya xtal ta stojole, soc ya me smil te mach'a swentainej te trato.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Job 30:15

Te tulan xiwel yal tel ta jtojol; te yutsil jc'oplal bajt' ta anel jichuc ic'; te jc'ulejale bajt' jichuc tocal.

Daniel 11:10

“Pero te snich'nab te muc' ajwalil ta norte ya xchajban sbaic yu'un guerra, ya xchapic bayal soldadoetic yu'unic. Ay me jtul te soc spisil yip ya xbajt' ta yac'beyel guerra ta sur, jc'axel me ya sjin ta spisil jichuc muc'ja' te mal loq'uel tel ta sti'ile. Patil ya xcha'bajt' yac'bey xan guerra, ya me xc'ot c'alal ta tulanil ts'ajc' yu'un te muc' ajwalil ta sur.

Job 40:11

Ila awil te mach'atic toybaetique; malbeya bael ta stojolic te sc'ajc'al awo'tane, ac'beya spejc'an sbaic ta atojol.

Isaías 13:9

C'otix sc'aalelal yu'un te Cajwaltique, ja' sc'aalelal te xiweltic nax sba soc te ya xtil te sc'ajc'al yo'tane, te ya sc'atp'un ta jochol taquin q'uinal te lumq'uinale, soc te ya slajin ta jyalel te jmulawiletic te ayic tey ae.

Isaías 13:10

Te eq'uetic soc te tsojboltsojp eq'uetic ta ch'ulchan ma me xyaq'uix xojobilic; ya me x'ijc'ub te c'aal te c'alal ya xloq'ue, te u ma xyaq'uix xojobil.

Isaías 28:2

Te Cajwaltic sq'uejoj jtul winic te bayal yipe, jich me yip te bit'il ya xtal te bate, jich bit'il tulanil ic' te jinwaneje, jich bit'il stulanil yip te xchawuquil ja'ale, jich bit'il snojel ja' te ya xmal loq'uel ta sba lumq'uinal te xiweltic nax sbae. Ta sc'ab ya me xch'oj coel ta lum,

Jeremías 51:64

Jich me ya awal: “Jich me ya xmul coel te Babilonia, ma ba ya xcha'jajch' xan tel, yu'un te tulan woclajel ya sticun tel te Cajwaltique”, xaat me —xi'. Tey laj loq'uel spisil sc'op te Jeremiase.

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Isaías 28:18

Te trato awu'un soc te lajele, ya xch'ay ta jc'axel; te trato awu'un soc te muquenal, ma'yuquix yip ya xc'ot. Ya me xtal te tulan woclajel te xiweltic nax sba, ya me stenex te ja'exe.