Nahúm 1:7 - Bible in Tzeltal de Oxchuc y Tenejapa

⁷ Te Cajwaltic lec yo'tan; anjibal me c'oem ta yorail woclajel. Ya scanantay te mach'atic ja' ya smuc'ulin yo'tanique.

Bible in Tzeltal Bachajón

⁷ Te Jehová lec yo'tan, ha tulan ahnibal ta yorahil wocol; ya scanantay te mach'atic ha smuc'ulinej yo'tanique.

Nahúm 1:7 Referans Kwoze

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

Lamentaciones 3:25

Te Cajwaltic lec te bila ya spasbey te mach'a ja' ya smuc'ulin yo'tane, te mach'atic ya xbajt' yo'tanic ta sc'oponele.

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

Salmos 100:5

Melel te Cajwaltic mero lec yo'tan stuquel. Te xc'uxul yo'tane sbajt'el q'uinal ay; soc te bit'il jun yo'tan ta jtojoltic, ma'yuc slajibal yu'un.

Salmos 27:5

Te c'alal ya xc'ot yorail woclajel, te Cajwal ya yaxinteson ta yu'el ta templo; ta mero yaxinal ya scanantayon. Ya me yac'on ta sba te muc'ul tontiquil wits te ya scoltayone.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

Gálatas 4:9

Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Isaías 25:4

Melel ja' anjibalat yu'un te me'bae, ja' ya xc'opojat yu'un te bitic ya xtuun yu'unic te mach'atic ayic ta wocole, anjibalat yu'un, ta bay tulan yic'al ja'al, axinalat yu'un te toyol sq'uixnal c'aale. Te bitic ya spas te winiquetic te c'ax amen yo'tanique, jich c'oem te bit'il tulan ic' ta yorail invierno,

1 Crónicas 16:34

“Albeyaic wocol te Cajwaltic, te melel lec yo'tan. Te xc'uxul yo'tan sbajt'el q'uinal ay stuquel.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Salmos 86:7

Te c'alal c'ux obol jba, ya jc'oponat, jich ya acoltayon.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Salmos 25:8

Te Cajwaltic mero lec soc toj stuquel; ya stojtesbey yo'tanic te jmulawiletique,

Daniel 3:28

Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Salmos 71:3

Ja'ucat me te muc'ul ton te anjibalat cu'un; ja'ucat me te tulan ts'ajc'at te banti ya x'anon soc te banti ya xcolone. Melel ja'at muc'ul ton soc tulan ts'ajc'at cu'un.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Salmos 59:16

Yan te jo'one ya me jc'ajintayat ta sacubel q'uinal; ya me jchicnantes ta aw ta tulan te xc'uxul awo'tan soc nix te awu'ele. Melel ja'at te jcanantaywanejat cu'un, ja'at anjibalat cu'un te c'alal ayon ta wocole.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Daniel 6:23

Te muc' ajwalil bin nax yo'tan yu'un, soc la sticun ta loq'uesel tel ta xch'en león-chojetic te Daniel. Te c'alal loc' tel yu'unique, ma'yuc ni jxujt'uc yejch'en la stabeyic, melel la yac' smuc'ul yo'tan ta stojol te Dios yu'une.

Romanos 11:22

Awaiy bit'il ay yutsil yo'tan soc te bit'il ya yac' castigo te Diose. Jich la yac'beyix tulan castigo te mach'atic yalique. Ja'uc me to, te ja'exe ay bayal yutsil yo'tan awu'unic teme jc'axel ya x'ainex ta stojole. Yan teme ma ba la awich'ic ta muq'ue, ya me awich'ic bojel loq'uel uuc te ja'exe.

2 Crónicas 32:21

Jich yu'un te Cajwaltic la sticun jtul ch'ul abat, la smil ta spisil te soldadoetic, te capitanetic soc te comandanteetic yu'unic ta scampamento te muc' ajwalil yu'un Asiria. Sujt' bael ta slumal, nojel bael ta yo'tan bayal q'uexlal. Te c'alal och bael ta templo ta bay dios yu'une, tey la yich' milel a, ja' nix te snich'nab te milot yu'une.

San Mateo 27:43

Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

San Mateo 7:23

Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

Esdras 3:11

Yan mach'atic yacal ta sc'ajintayel yutsilal te Cajwaltique, yacal sjac'belic te yantique: “Albeyaic wocol te Cajwaltique, melel mero lec yo'tan, melel sbajt'el q'uinal c'ux ta yo'tan te Israele”, xiic. Spisil te yajwal te lume, awunic ta swenta sbujts' yo'tanic, soc yacalic ta yalel yutsil sc'oplal te Cajwaltic ta swenta te bit'il jajch'ix ta cha'pasel te templo yu'une.

2 Crónicas 32:11

Teme ya yalbeyex te Ezequías te ay Awajwalic, te Dios awu'unic, te ya scoltayex ta jc'ab ta sc'ope, ja' nax me ya slo'layex ta c'op, soc ja' nax ya yaq'uex ta lajel ta taquinti'il soc wi'nal.

2 Crónicas 32:8

Ja' nax me yich'ojbey ta muc' yip te winiquetic stuquelic, yan te jo'otic tey ay ta coliltic scoltaybelotic ta guerra te Cajwaltic Dios cu'untique —xi' te muc' ajwalil Ezequías. C'alal la yaiybeyic stojol sc'op te muc' ajwalil Ezequías, jich la yich' yip yo'tanic.

1 Crónicas 5:20

Ja'uc me to, coltayotic yu'un te Diose, jich yu'un te agarenoetic soc te mach'atic xchapoj sba soque ochic ta sc'abic, melel, te c'alal olil ay yu'unic a te guerra, la sc'anbeyic Dios te ya xcoltayotic yu'une. Jich coltayotic yu'un Dios, melel ja' smuc'ul yo'tan la yaiyic.

Salmos 20:1

Ac'a yaiybat stojol ac'op te Cajwaltic te c'alal ayat ta wocole; ja' nix me ya scoltayat te Dios yu'un Jacob.

Salmos 37:39

Te coltayel ya xjul ta stojolic te mach'atic lec yo'tanic, ja' ya yac' tel te Cajwaltique, ja' me ya sta yipic yu'un ta yorail teme ay bila chujc'ul ae.

Salmos 37:40

Te Cajwaltic ya me xcoltayotic ta anel yu'un; ya scoltay ta sc'abic te mach'atic amen yo'tanic; melel ya sle scolelic ta stojol te Cajwaltique;

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 17:17

Ma me x'ac'atp'un aba ta jxiwteswanej ta jtojol, melel ja'at anjibalat cu'un c'alal ya xtal te bila amene.

Jeremías 24:5

—Jo'on Ajwalilon te Dioson yu'un Israel, ya cal: Te bit'il lequil higoetic, jich yacon ta yilel te lum Judá te la jyantesbey slumalic, ta slumal te caldeoetique. Yacon ta yilel soc xc'uxul co'tan,

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Sofonías 3:12

Ya quijq'uitaybat jilel mach'atic peq'uel yac'oj sbaic, te ma'yuc bila ay yu'unic, te ya smuc'ulinon yo'tanique.

2 Crónicas 13:18

Ja' jich c'aalil te la yich'ic pejc'anel te israeletique. Yan te soldadoetic yu'un Judá chicnaj ta ilel te stulanilic, melel bajt' yo'tanic ta sna'el te Cajwaltic, te Dios yu'un te antiguo sme'-statique.

Salmos 9:10

Cajwal, ja' smuc'ulinejat yo'tanic te mach'atic ya sna'bat abae; ma'yuc bay ya apijt'es te mach'atic ya sleate.

Salmos 46:2

Ja' yu'un ma'yuc bi ora ya caiytic xiwel, manchuc me ya xyanaj yawil te lumq'uinale, manchuc me ya xmul ta mar te witsetique,

Isaías 50:10

Ja'ex te ya awich'ic ta muc' te Cajwaltique soc te ya awaiybeyic stojol sc'op te yabate, teme ya xbeenex ta ijc' q'uinale, teme ma'yuc bay sacuben te q'uinale, ac'a smuc'ul awo'tan ta stojol te Cajwaltique; ipajanic me ta stojol te Dios awu'unique.