Nahúm 1:6 - Bible in Tzeltal de Oxchuc y Tenejapa

⁶ ¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Bible in Tzeltal Bachajón

⁶ ¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Nahúm 1:6 Referans Kwoze

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Salmos 76:7

Mero xi'bilat atuquel. ¿Mach'a ya xju' yu'un ya stejc'an sba ta atojol te c'alal ya xtil jajch'el sc'ajc'al te awo'tane?

Ezequiel 30:16

Ya me cac'bey sc'aal te Egipto, te lum Sin ya me smetulay sba yu'un xc'uxul. Ya me yich' jutel te sjoyob ts'ajc'ul te lum Tebas. Te lum Menfis ta mero c'aaleltic me ya yich' aq'uel guerra.

Lamentaciones 4:11

Te Cajwaltic la sloq'ues yilimba, yac ta tilel sc'ajc'al yo'tan la smal; la yac'bey sc'aal te Sión, la sjin c'alal ta yet'al ts'ajq'uetic.

Lamentaciones 2:4

Te Cajwaltic la snit te st'ime, jich bit'il jcontro yilel, toj la yac' bael te yat'ejibale. Pajal soc jcontro, la sjin te bila lec ta ilele; wil bael jichuc c'ajc' te yilimba ta sba scampamento te t'ujbil Sión.

Isaías 27:4

Ma ba ilinemon ta stojol. Te ayuc ch'ixetic soc te yaq'uenale ya me xloc'on bael ta yac'beyel guerra, soc ya me jchic' ta jc'axel.

Isaías 10:16

Jich yu'un, te Cajwaltic te Spisil ya xju' yu'une, ma'yuc yip ya xc'otic yu'un te mach'atic ay yipic ta leque, soc ya me xtilix c'ajc' ya yaiy yu'un scojt'ol te sbaq'uetalique.

Salmos 90:11

¿Mach'a ya sna'bey sba te yip te awilimbae? ¿Mach'a ya sna'bey sba te sc'ajc'al awo'tane?

1 Reyes 19:11

Te Cajwaltic jich albot yu'un: —Loc'an tel ta fuera, tey xatejc'an aba ta jtojol, ta sba te witse —xi' sc'oplal. Ja' nix yorail a c'ax te Cajwaltique. Tal mero tulan ic' soc buen tulan yip te la swuy te witstiquile soc wuy te tonetic ta stojol Cajwaltic, pero te Cajwaltic ma ba tey ay a ta iq'ue. C'alal c'axix a te iq'ue, tal nijq'uel, pero ja' nix jich ma ba tey ay a te Cajwaltic ta nijq'uele.

Apocalipsis 16:8

Te xchanebal ch'ul abate ba smal ta bay c'aal te copa yich'oje. Jich ac'bot tulan yip sc'aal yu'un xchiq'uel ta c'axem to xan te ants-winiquetique.

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

Apocalipsis 6:17

Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.

Job 40:11

Ila awil te mach'atic toybaetique; malbeya bael ta stojolic te sc'ajc'al awo'tane, ac'beya spejc'an sbaic ta atojol.

Salmos 130:3

Cajwal, te ayuc ta wenta awu'un te bitic amen jpasojtic, ma'yuc mach'a ya xju' yu'un te jichuque.

Isaías 13:13

Jich yu'un te ch'ulchan ya me xnijc', te balumilal ya me stij sba ta yawil. Ja' me jich ya xc'ot ta pasel yu'un te quilimba te bi c'aalil ya cale, ta swenta te bit'il yac ta tilel sc'ajc'al te co'tane.

Isaías 66:15

Melel te Cajwaltic, soc bayal c'ajc' ya xtal; te carretaetic yu'une, sutu-ic' me yilel. Ya me xtil tel sc'aal te yilimbae; soc xpulpun me ta tilel sc'aal te castigo yu'une.

Ezequiel 7:8

Yo'tic ya me cac' t'omuc tel ta atojol te quilimbae, ja' to teme lamaj te quilimba awu'une. Ya me cac'bat castigo, chican te bila beil at'unoje, ya cac' c'otuc ta atojol castigo ta scaj te bitic ilaybil sba apasoje.

Ezequiel 21:31

Ya me jt'omes bael quilimba ta atojol, jich me te bit'il tulan tocal mero xiweltic sbae. Ya me cac'at ta sc'ab te mach'atic mero j'uts'inwanejetic te jc'axel ya xlajinwanique.

Ezequiel 39:6

Ya me cac' bael c'ajc' ta stojol Magog, soc nix ta stojolic te mach'atic bin nax yo'tanic nainemic ta lumq'uinaletic ta ti'ti'mar. Jich me ya sna'ic a te jo'on Ajwalilone.

Sofonías 2:2

te bit'il ma to ya awich'ic ch'ojel bael jichuc ac te jun nax c'aal ya xch'ay ta jc'axele; te bit'il ma to xjul ta atojolic te sc'aal yilimba te Cajwaltique; te bit'il ma to xc'ot ta atojolic te sc'aalelal yilimba te Cajwaltique.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Job 9:5

Te Diose, ta swenta sc'ajc'al yo'tan ya xju' ya sjeltaybey yawil te witsetique; ya xju' yu'un ya sjin coel, ni ma'yuc mach'a ya sna'.

Job 26:11

Te c'alal tulan ya xc'opoj te Diose, ya xjajch'ic ta nijq'uel yu'un xiwel te witstiquil yich'oj yipic c'oem a te ch'ulchane.

Salmos 76:8

C'alal ta ch'ulchan ya awac' ta na'el te bi yilel ya xchajbanwanate; te balumilal ya xi' soc ya slaman sba

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Lamentaciones 2:3

Te c'alal til te yilimbae, la sjax ta bojel te yip Israel. La sq'uejbotic bael te jcoltayel yu'un yu'el te c'alal la jta jbatic soc te jcontrotique; tilemix sc'aal, yu'un ya xchic' spisil a te bila ya sta yu'un Jacob.