Nahúm 1:5 - Bible in Tzeltal de Oxchuc y Tenejapa

⁵ Ya xnijq'uic te toyol witstiquil ta stojol; te peq'uel witstiquil ya x'ulubic yu'un. Spisil te lumq'uinal ya stij sba te c'alal ya yil; spamal balumilal ya stij sba soc te mach'atic nainemic tey a.

Bible in Tzeltal Bachajón

⁵ Ya xnihquic te witsiltic ta stojol, soc te tsehletic ya x'uhlic. Te lumq'uinal ya syuc' sba ta stojol, te bahlumilal soc spisil mach'atic nahinemic tey a.

Nahúm 1:5 Referans Kwoze

Miqueas 1:4

Ta yet'al yacan ya x'ulub coel te witstiquil, jich bit'il chabec' te ya slac' te c'ajq'ue. Soc ya me xjat bael te q'uinale, cha'jat ya xc'ot, jich bit'il ya xjat bael lum yu'un yip snojel ja'.

Jeremías 4:24

La quil te witstiquile, yacalic ta nijq'uel; spisilic te ch'in witstiquile nijq'uic.

2 Samuel 22:8

“Jich a tal tulan nijq'uel ta balumilal, la stij sba te yich'o-ip te ch'ulchane; yuq'uilayot yu'un yilimba te Cajwaltique.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Salmos 68:8

te lumq'uinal la syuq'uilay sba, te ja'al yal coel tel ta ch'ulchan, te wits Sinaí la syuq'uilay sba ta stojol Dios, ja' ta stojol te Dios yu'un Israel.

Jueces 5:5

Ta atojol, Cajwal, ta atojol atuquel, Dios yu'un Israel, la stij sbaic te witstiquile, la stij sba te wits Sinaí.

Salmos 114:6

Witsetic, ¿bi yu'un jajch'ex ta wilel jichuc chijetic? Ja'ex, ch'in witsetic, ¿bi yu'un jajch'ex ta wilel jichuc chijetic?

Salmos 114:4

Te witsetic jajch'ic ta wilel jichuc chijetic; te ch'in witsetic jajch'ic ta wilel jichuc ch'in chijetic.

Salmos 98:7

Ac'a me awunuc te mar soc spisil bitic ay yu'un, te balumilal soc te mach'atic tey nainemic a.

Salmos 46:6

Te nacionetic ya x'awunic, te wentainwanejetic ya xnijq'uic, te lumq'uinal ya x'ulub bael yu'un te c'alal ya yaiybeyic sc'op te Diose.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

San Mateo 28:2

Tal tulan nijq'uel, melel coj tel ta ch'ulchan jtul ch'ul abat yu'un Cajwaltic te c'ot ta muquenale. La stsel loq'uel te muc'ul ton macal sti' a. Tey la snajc'an sba ta sba te tone.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

Apocalipsis 6:14

Te ch'ulchane ch'ay bael ta jsit jich bit'il ora nax ya yich' balel te june. Jeltaybot yawilic spisil te witstiquile soc te ch'in sejbelsejp q'uinaletic te joytaybilic ta mare.

Salmos 18:7

Jich a tal tulan nijq'uel ta balumilal: te witstiquil nijq'uic c'alal ta snactijibic; yuq'uilayot yu'un yilimba te Cajwaltique.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Isaías 24:1

Aiya awaiy stojol, te Cajwaltic jochol me ya yijq'uitay jilel te lumq'uinale, ya me sjin jilel, soc sojc'oltic nax me ya yijq'uitay jilel, soc ya me spuc bael te ants-winiquetique.

Isaías 24:20

Jich me ya xnijc' balumilal te bit'il ya xnijc' te jyacubele, jich me ya xnijc' te bit'il xlechunaj ch'in lejch'patna. Bayal me ya yaiybey yalal te smule, ya me xyal coel yu'un, ma xju'ix ya xjajch' xan.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Job 9:5

Te Diose, ta swenta sc'ajc'al yo'tan ya xju' ya sjeltaybey yawil te witsetique; ya xju' yu'un ya sjin coel, ni ma'yuc mach'a ya sna'.

Job 26:11

Te c'alal tulan ya xc'opoj te Diose, ya xjajch'ic ta nijq'uel yu'un xiwel te witstiquil yich'oj yipic c'oem a te ch'ulchane.

Salmos 18:8

Loc' tel ch'ail ta sni', soc loc' tel c'ajc' ta ye swenta lajinwanej, xbuquet nax ta loq'uel tsajal ac'al ta ye.

Salmos 104:32

Te balumilal ya xnijc' te c'alal ya yil stuquele; ya yac' loc'uc ch'ail ta witstiquil te c'alal ya stij stuquele.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Ezequiel 38:20

Te chayetic ta mar, te mutetic ta toyol, te jti'awal chambalametic, soc te bitic staslajan ya xbeenic ta lume, ya me xnijq'uic yu'un xiwel ta jtojol, soc ja' ni me jich te ants-winiquetic ta balumilale. Te witstiquil ya me xlaj ta jemts'ujel, te tonetic ya me xyalic coel, spisil me te joyob ts'ajq'uetic ya me xyalic coel ta lum.

Amós 9:5

Te Cajwaltic te Spisil ya xju' yu'une, ya stij te lumq'uinal, jich ya x'ulub. Ya me x'oc' yu'un spisil te yajwale. Te lumq'uinal ya me syuq'uilay sba jich bit'il ya xmo soc ya xco ya'lel te Nilo.