Nahúm 1:4 - Bible in Tzeltal de Oxchuc y Tenejapa

⁴ Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Bible in Tzeltal Bachajón

⁴ Ya yut te mar, ya yac' taquijuc, ya yac' taquijuc spisil te muc'ul-ha'etic. Te Basán soc te Carmelo ya xuch'ub, soc ya xluhbaj te nichim yu'un Líbano.

Nahúm 1:4 Referans Kwoze

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Salmos 106:9

La spas ta mandal te Mar Rojo, jich taquin a c'ot; la yac' c'axuquic ta bay mero sna'bilal, jich c'ot yu'un te bit'il jochol taquin q'uinale.

Isaías 51:10

La atup'bey ya'lel te mar, te ja' te smuc'ul na'bilale, la ac'atp'un ta taquin be te yolil mar, swenta yu'un c'axic bael tey a te mach'atic la awac' ta libre.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Salmos 114:5

¿Mar, bi la apas te anate? ¿Jordán, bi la apas te sujt'at ta apate?

Salmos 114:3

Te c'alal ilot yu'un mar te Israel, loc' ta anel te mare; jich te muc'ja' Jordán, sujt' ta spat.

Salmos 104:7

Pero la apas ta mandal atuquel, jich bajt'; animal bajt' ta anel c'alal la yaiybat stojol ac'op, te jich c'oem te bit'il chawuc.

Salmos 74:15

Ja'at la awac' t'omuc loq'uel tel sloq'uibja' soc muc'ja'etic; la awac' taquejuc te muc'ja'etic te ma xtaquej sc'oplale.

San Mateo 8:26

La yal te Jesuse: —¿Bi yu'un te ya xiwexe? Ma'yuc xch'uunjel awo'tanic ya quil —xi'. Jich la stejc'an sba jajch'el. La scom te iq'ue soc te mare. Lamal nax q'uinal c'ot ta spisil.

Amós 5:8

Te Cajwaltic ja' la spas tsojboltsojp te eq'uetic, jich bit'il Xanab-ec' soc Orión, ja' te mach'a ya sc'atp'un ta ijc' q'uinal te saquil q'uinale, soc te ya sc'atp'un ta c'aaleltic te ajc'ubale; ja' te mach'a ya yic' tel te ya'lel mar, soc ya smal ta sba te lumq'uinale; ja' te mach'a ya sjin te tulanil ts'ajq'ue, ya sjin ta jc'axel te anjibale. Ajwalil te sbiile.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Ezequiel 30:12

Ya me cac' taquejuc te muc'ja' Nilo. Ya me cac' ta sc'ab mach'atic mero amen yo'tanic te lumq'uinale. Ta swenta bit'il jo'on ya jticun te jyanlumetique, ya me slajinic te lumq'uinale, soc ya me slajinic spisil te bitic ayic tey a. Jo'on Ajwalilon te jich caloje.

Job 38:11

Jich la calbey: “Li' nax me c'alal ya xc'oat in to, ma me xju' ya xjelawat c'axel; li' me ya xjul smaj sba te yip te stulanil abeele”, la cut.

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

2 Samuel 22:16

Chicnaj jilel ta ilel te slumil mar, chicnaj jilel ta ilel te snactijib te balumilale ta scaj te ay bi tulan c'opoj te Cajwaltic, ja' te tulan ic' la yac' baele.

Isaías 42:15

Ya me jin te witstiquil soc te ch'in witsetique; taquin ya quijq'uitay te ste'elique. Ya jc'atp'un ta taquin q'uinal te ja'etique; taquin ya quijq'uitay jilel te pampam ja'etique.

Ezequiel 38:20

Te chayetic ta mar, te mutetic ta toyol, te jti'awal chambalametic, soc te bitic staslajan ya xbeenic ta lume, ya me xnijq'uic yu'un xiwel ta jtojol, soc ja' ni me jich te ants-winiquetic ta balumilale. Te witstiquil ya me xlaj ta jemts'ujel, te tonetic ya me xyalic coel, spisil me te joyob ts'ajq'uetic ya me xyalic coel ta lum.

Salmos 18:16

Dios la yac' tel sc'ab ta jtojol c'alal ta toyol, ta sc'ab la sloq'ueson ta bay muc'ul mar.