Nahúm 1:3 - Bible in Tzeltal de Oxchuc y Tenejapa

³ Te Cajwaltic sts'icojbey to te smule; ja'uc me to, muc' te yu'ele. Ma xch'aybey castigo ta stojol te mach'a ay smule. Te Cajwaltic ya scajtijibin ta beel te tulan iq'ue; te tocaletic jich c'oem te bit'il tan te ya xwil te c'alal ya xbeene.

Bible in Tzeltal Bachajón

³ Te Jehová ma orahuc ya x'ilin soc ay bayel yu'el, ma ba ya yal te mayuc smul te mach'a ay smule. Te Jehová ya xbehen ta yic'al-ha'al soc ta sutu-ic', soc te tocaletic ha ts'u'lum ta yoc.

Nahúm 1:3 Referans Kwoze

Salmos 147:5

Mero muc' te Dios cu'untic, soc muc' te yu'ele; te sp'ijil ma p'isbiluc soc ma'yuc slajibal.

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

Salmos 145:8

Te Cajwaltic t'ujbil yutsil yo'tan, ya sna' yo'bolil jbatic; ay xc'uxul yo'tan stuquel, ma x'ilin ta ora.

Salmos 104:3

ja'at la awac'bey yiptajib ta sba ja' te oyetic yu'un te ana ta toyole. Ja' c'atp'ujem ta carreta awu'un te tocale; ya xbeenat ta xic' te iq'ue.

Salmos 103:8

Te Cajwaltic t'ujbil yo'tan, soc ya sna' yo'bolil jbatic; sts'icojbotic jboliltic soc ay xc'uxul yo'tan ta jtojoltic spisil ora.

Santiago 1:19

Jich yu'un quermanotac te bayal c'uxex ta co'tane, chapaluquex me ya awaiyic stojol te bila ya yich' alele. Ma me xc'opojex ta ora, soc ma me x'ilinex ta ora.

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

Isaías 66:15

Melel te Cajwaltic, soc bayal c'ajc' ya xtal; te carretaetic yu'une, sutu-ic' me yilel. Ya me xtil tel sc'aal te yilimbae; soc xpulpun me ta tilel sc'aal te castigo yu'une.

Job 9:4

Te Diose mero muc' yu'el soc mero bayal sp'ijil stuquel. ¿Mach'a ya xju' ya stejc'an sba ta stojol te libre ya xloc' tele?

Números 14:18

Awaloj te ma orauc nax ya x'ilinat, te mero muc' ta jyalel te xc'uxul awo'tan, soc te ya apasbey perdón yu'un smulic soc te stoybailique. Ya jna' te ma xch'ay castigo ta stojol te mach'a ay smul, te ya awac'bey castigo soc snich'nab smamatac c'alal ta xchancajal.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Salmos 62:11

Ma junuc nax buelta caiyoj te jich yaloj te Diose: te yu'el soc te c'uxul-o'tanile ja' yu'un stuquel. Soc ja' ya yac'bey stojol sc'abic, chican te bila spasojic ta juju-jtul.

Job 38:1

Te Job c'oponot yu'un Cajwaltic ta yolil buen tulan yic'al ja'al, jich la yal te Cajwaltique:

Job 10:14

ya atsajtayon awil teme ya jle jmule, swenta yu'un jich ya awac'on bael ta castigo yu'un a te falta cu'une.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Salmos 50:3

Te Dios cu'untic ya me xtal, pero ma me ch'abaluc q'uinal yu'un ya xtal: ay me c'ajc' swenta lajinwanej ta stojol, soc xpumet me tulan ic' ta sjoyobal.

2 Samuel 22:10

La sjambey smajq'uil pac' c'oem te ch'ulchane, jich co tel. Ta ye'tal yacan ay pimil ijc'al tocal.

Jeremías 4:13

Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Oseas 8:7

Ja'ic la sts'unic c'oem te ic' soc la sc'ajic te tulan yic'al ja'ale. Ma me ayuc bila ya sc'ajic loq'uel ta q'uinal, ma me bay ya staic loq'uel harina ta sit trigo; teme ay to ya sloq'uesique, te jyanlumetic ya me swe'elinic.