Nahúm 1:2 - Bible in Tzeltal de Oxchuc y Tenejapa

² Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Bible in Tzeltal Bachajón

² Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Nahúm 1:2 Referans Kwoze

Zacarías 8:2

—Jo'on te Ajwalilon te Spisil ya xju' cu'une, jich ya cal: Mero c'ux ta co'tan te Sión, ma me xcac' te q'uejel ya xbajt' yo'tanic.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Salmos 94:1

Cajwal, ac'a aba ta ilel, ja'at Diosat te ya awac'bey spacol.

Éxodo 34:14

“Ma me xach'uunic yantic diosetic, melel jo'on Ajwalilon, mero ma sc'an co'tan. Jich ay te jbiile: “Jo'on Dioson te ya x'ilinon yu'un teme q'uejel ya xbajt' yo'tan te lum cu'une”, te xie. Jich c'oem te jbiile.

Josué 24:19

Ja'uc me to, te Josué la yalbey: —Te ja'exe ma xju' awu'unic te ya awac' abaic ta abatinel ta stojol te Cajwaltic, melel ch'ul Dios stuquel. Soc ma ba ya smulan te ya ale yantic diosetic. Ma ba ya sts'icbeyex te atoybailic soc te amulique.

Hebreos 10:30

Jna'ojtic te bit'il la yal te Cajwaltique: “Jtuquel ay ta jwenta yaq'uel te castigoe. Jo'on ya cac'bey stoj”, te xi' te Cajwaltique. Soc la yal xan: “Te Cajwaltique ya me yich' ta c'op te lum yu'une”, te xie.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Deuteronomio 4:24

melel te Cajwaltic Dios cu'untique jc'axel ma smulan teme ay mach'a yan ya xbajt' awo'tanic ta stojole. ¡Te Diose jich c'oem te bit'il c'ajc' te spisil ya xchiq'ue!

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

Miqueas 5:15

Ta swenta sc'ajc'al co'tan ya me quich'bey spacol ta stojol nacionetic te ma la sc'an xch'uunbonic te jc'ope —xi'.

Joel 2:18

Te Cajwaltic jich la yac' ta ilel xc'uxul yo'tan ta stojol te lum yu'une, la sna'bey yo'bolil sba te lum yu'une.

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Ezequiel 6:12

Te mach'atic c'ubul ayique ya me xlajic yu'un bayal chamel; te mach'atic nopol ayique ya me xlajic ta guerra; te mach'atic cuxulic ya xjile, ya me xlajic yu'un wi'nal. Jich me ya xlaj yip te quilimba ta stojolique.

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Isaías 51:20

Jich bit'il ja'mal chij te la yich' stsaquel ta chojac', te anich'nab mero ma'yuc yipic, limilic ta lum, bayuc nax ta xujc' calleetic. Ejch'enajemic yu'un yilimba te Cajwaltique, swenta stojtesel yu'un te Dios awu'une.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Job 20:23

Te c'alal ya snojes a te xch'ujt'e, te Diose ya me stiles bael yilimba ta stojol, xnilet me ya xjul ta stojol jichuc ja'al.

Levítico 26:28

ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Romanos 13:4

Melel ja' abatetic yu'un Dios ta swenta alequilalic. Yan teme amen te bila ya jpastique, xiwanic me ta stojol. Melel ma tojoluc te ay ta sc'ab te yat'ejibe, yu'un ay ta abatinel yu'un Dios te ya yac'bey spacol ta castigo te mach'a ya x'uts'inwane.

Zacarías 1:14

Te ch'ul abat la spason ta mandal ta spuquel ta alel, jich la yal: —Jich la yal te Cajwaltic te Spisil ya xju' yu'une: “Mero bayal c'ux ta co'tan ya caiy te Jerusalén soc te wits Sión.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Ezequiel 38:18

Te Cajwaltic la yal: —Jo'on Ajwalilon, ya cal ta jamal: Te c'alal ya yac'bey guerra Israel te Gog, xiweltic me sba ya xtil jajch'el quilimba yu'un.

Ezequiel 36:6

“C'opojan ta jwenta, albeya sc'oplal te slum-sq'uinal Israel: “Te Cajwaltic jich ya yalbey te witsetique, tseletic, muc'ja'etic, soc te spamlejetique: ‘Te jo'one ya jc'opon ta tulan soc quilimba soc sc'ajc'al co'tan te nacionetic yu'un jyanlumetique. Melel mero la yuts'inbeyex awo'tanic ta c'op. Ja' yu'un ilinemon ta stojolic.

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Ezequiel 5:13

Ya me jt'omes bael ta atojolic te sc'ajc'al co'tane. Ya me cac' te ya xc'ot spisil tey a te quilimba, tic' me ya yaiyic. Teme la cac' bael ta stojolic te quilimbae, ya me sna'ic te jo'on Ajwalilon te ma smulan co'tan te q'uejel ayix te yo'tanique.

Lamentaciones 4:11

Te Cajwaltic la sloq'ues yilimba, yac ta tilel sc'ajc'al yo'tan la smal; la yac'bey sc'aal te Sión, la sjin c'alal ta yet'al ts'ajq'uetic.

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Jeremías 25:15

Te Cajwaltic te Dios yu'un Israel, la yalbon: —Ilawil te copa te nojel yu'un vino, ja' te quilimbae. Tsaca soc ac'beya yuch' spisil te nacionetic ta bay ya jticunat baele.

Jeremías 3:5

¿Sbajt'el bal q'uinal ya x'ilinat? ¿Sbajt'el bal q'uinal ya xjalaj te awilimbae?”, te xaate. Te c'alal jich yacat ta yalel a, la apas spisil te bila amen te ju' awu'une —xi' te Cajwaltique.

Isaías 66:15

Melel te Cajwaltic, soc bayal c'ajc' ya xtal; te carretaetic yu'une, sutu-ic' me yilel. Ya me xtil tel sc'aal te yilimbae; soc xpulpun me ta tilel sc'aal te castigo yu'une.

Deuteronomio 7:10

Pero jc'axel me ya slajin stuquel te mach'atic ya x'ilayot yu'une. Ja' ni me ya yac'bey ta swentaic te bitic lebil yu'unique. ¡Ma wocoluc ya yac'bey te bila sleojic te mach'atic ya x'ilayot yu'une!

Jeremías 28:8

Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.

Ezequiel 38:19

Ta swenta bit'il ya xtil te quilimba, ya me cal ta jamal te ay me buen tulan nijq'uel ta Israel te bi ora ya xc'ot sc'aalelale.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Números 25:11

—Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

Jeremías 50:15

Toyesa awawic yu'un guerra ta bayuc nax ta juju-jejch'. Te Babilonia ya yac' sbaix ta c'abal. Jinix coel tel te balal ts'ajq'uetic soc te ts'ajc' ta sjoyobale. Ja' me spacol cu'un te ya awac'beyic stoj; jich me ya apasbeyic te bit'il nix la spase.