Nahúm 1:15 - Bible in Tzeltal de Oxchuc y Tenejapa

¹⁵ ¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Bible in Tzeltal Bachajón

¹⁵ ¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Nahúm 1:15 Referans Kwoze

Isaías 52:7

Bin nax yutsil te mach'a ya xjul ta witstiquil, te mach'a ya yich' tel te lequil c'ope, te mach'a ya yalbey sc'oplal te lamal q'uinale, te mach'a ya yalbey sc'oplal te ainel ta libre. Jich ya yalbey te Sión: —Te Dios awu'une muc' Ajwalil stuquel —xi' me ta aw.

Romanos 10:15

¿Soc mach'a c'an xcholic teme ma'yuc mach'a ticunbile? Jich bit'il ts'ibubil ta Sjun te Diose: “Jelawen yutsil te mach'atic ya xbeenic ta yalel te lec yach'il c'ope”, te xie.

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.

San Lucas 2:10

Te ch'ul abate, jich la yal: —Ma xiwex, aiya me awaiyic stojol te lec yach'il c'op ya calbeyexe. Bayal me ya xbujts'naj awo'tanic yu'un soc spisil te lume.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Salmos 107:15

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltic, ja' te bila lec ya spas ta stojol te ants-winiquetique.

Salmos 107:8

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltique, ja' te bila lec ya spas ta stojol te ants-winiquetique.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

Nahúm 1:14

Te Cajwaltic la yalbat ac'oplal, ja'at te muc' ajwalilat yu'un Nínive: “Ma me ayuc ats'umbal te ya yich'bat jilel te abiile. Ya me jinbat spisil te loc'omba ach'uunejic ta bay stemplo te dios awu'une, tey me ya jmucat a, melel ja'at ilaybilat”, xi'.

Isaías 41:27

Jo'on la calbey sc'oplal ta stojol Sión c'alal ta xjajch'ibal; soc jo'on la jticun bael ta Jerusalén jtul j'alwanej, swenta yu'un ya xba yalbey te lum te nopolix ya sujt' tel te yajwale.

Isaías 42:11

Binuc nax yo'tanic te jochol taquin q'uinal soc te lumetic yu'une, soc te nanatic yu'un te sts'umbal Cedar. Ac'a c'ajinuc soc sbujts' yo'tanic te yajwalic te lum Sela; ac'a stoyes tel sc'opic ta jol witstiquil.