Nahúm 1:12 - Bible in Tzeltal de Oxchuc y Tenejapa

¹² Jich yu'un te Cajwaltic ya yalbey te lum yu'une: —Manchuc me tulanic ta jyalel te asiriaetic soc bayalic, ya me yich'ic jinel, soc ya me xch'ayic bael. La cac' c'axuc awocol, ja'uc me to, ma ba ya cac' xwoclajat yan buelta.

Bible in Tzeltal Bachajón

¹² Hich yaloj te Jehová: Aunque tulanic te asiriahetic soc bayelic, ya me yich'ic bulel soc ya xch'ayic bahel. La jcac' c'axuc awocol, Judá, pero ma ba ya caq'uix xan awocol.

Nahúm 1:12 Referans Kwoze

Joel 2:19

Jich la yal: —Ya me jticunbeyex trigo, vino soc aceite, ja' to teme noj ach'ujt'ique. Ma'yuquix bi ora ya cac' slabanex te mach'atic ma ba xch'uunejone.

Apocalipsis 7:16

Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

Nahúm 1:15

¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Daniel 11:10

“Pero te snich'nab te muc' ajwalil ta norte ya xchajban sbaic yu'un guerra, ya xchapic bayal soldadoetic yu'unic. Ay me jtul te soc spisil yip ya xbajt' ta yac'beyel guerra ta sur, jc'axel me ya sjin ta spisil jichuc muc'ja' te mal loq'uel tel ta sti'ile. Patil ya xcha'bajt' yac'bey xan guerra, ya me xc'ot c'alal ta tulanil ts'ajc' yu'un te muc' ajwalil ta sur.

Isaías 51:22

Te Awajwal te Dios awu'une, te ya xc'opoj ta scoltayel te lum yu'une, jich ya yal: —Ya jpojbat loq'uel ta ac'ab te copa te yacat ta yacubel yu'une; ma xju' ya awuch' xan te bila ay ta copa, ja' te quilimbae.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 31:8

te Asiria ya xlaj ta ye puñal, pero ma me ja'uc ta swenta yip sc'ab winic. Ta guerra ya me x'anic loq'uel te swinictac; te querem-soldadoetic yu'unic ya me xjilic ta mosoil.

Isaías 30:19

Lum Sión te nainemex ta Jerusalén, ma ba ya x'oc'atix. Te Cajwaltic ya sna'bat yo'bolil aba c'alal ya yaiybat awaw ta sc'anel coltayel yu'une, ora nax ya sjac'bat teme c'ot ta stojole.

Isaías 17:14

Ta malc'aalil xiweltic nax me sbaic yilel; ja'uc me to, c'alal ma to sacub a, ma'yuquix. Jich ya xquejch'aj te mach'atic ya spojbotic te jbiluctique, jich ya xcomic te mach'atic ya sjinotique.

Isaías 8:8

ya xc'ax bael ta stojol Judá, ya xmucot jilel ta ja', ya me xc'ot c'alal ta snuc' te ja'e. Jich me ya xc'ot te bit'il mut te slich'oj te xiq'ue, ya me snojesbat spisil te aq'uinale, ja'at Emanuel —xi'.

Isaías 7:20

Te bi c'aalil ya xc'ot ta pasele, te Cajwaltic ya yabatin te muc' ajwalil yu'un Asiria, jich bit'il majanbil navaja te talem ta sjelawel te muc'ja' Éufrates; ja' me ya sloq'uesbey sjolic te israeletic, ya me sjoxbey yisimic, soc ya me sjoxbey stsotsil sbaq'uetalic a.

2 Reyes 19:37

Ay jun c'aal c'alal yac ta xch'uunel sdios Nisroc ta stemplo a, c'ot ta milel yu'un snich'nab nix, Adramelec soc Sarezer. Loq'uic ta anel, bajt'ic ta witstiquil Ararat. Patil ja' och ta sjelol te Esar-hadón, te ja' nix snich'ane.

2 Reyes 19:35

Ja' nix ta yorail ta ajc'ubal a, te ch'ul abat yu'un Cajwaltic, bajt', c'o smil jo'eb slajunwinic ta jmil (185,000) soldadoetic ta scampamento asiriaetic. C'alal sacub q'uinal ta yorail nix, spisilic lajemic a sacub q'uinal.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Isaías 10:16

Jich yu'un, te Cajwaltic te Spisil ya xju' yu'une, ma'yuc yip ya xc'otic yu'un te mach'atic ay yipic ta leque, soc ya me xtilix c'ajc' ya yaiy yu'un scojt'ol te sbaq'uetalique.