Nahúm 1:10 - Bible in Tzeltal de Oxchuc y Tenejapa

¹⁰ Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.

Bible in Tzeltal Bachajón

¹⁰ Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

Nahúm 1:10 Referans Kwoze

Miqueas 7:4

Te mach'atic lec yilel jich c'oemic te bit'il ch'ix; te mach'a ich'bil ta muq'ue, jich nix c'oemic. Ja'uc me to, ya sta sc'aalelal te ya yich' ilel te at'elile, ja' te bi c'aalil la yalbat te j'il-q'uinale. Ja' yu'un jich ya xcajic ta soquetel.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Nahúm 3:11

Ja' nix me jich te ja'at lum Nínive, ya me syacubtesat; ch'ayematix ta q'uinal yu'un, ya ale bay ya anac' aba, ya me ale awanjib yu'un acontro.

Isaías 9:18

Melel te mulile, ja' ya xjinawan jich bit'il tojc'al te ora ya xlaj ta c'ajq'uel a te ch'ixetic soc te pimil wanc'altique, soc ora ya xchic' te te'etic ta ja'male, te ya xjajch'ic bael ta wilesel yu'un te iq'uetique, te sutu-ic' ta yolil te ch'aile.

Isaías 5:24

Ja' yu'un, jich te bit'il ya xc'ajc' te aque, soc ora ya xlaj bael ta c'ajq'uel te staquin yabenal te te'etique, ja' ni me jich ya xch'ayex bael te ja'exe. Ja' me pajalat soc te te'etic ya xc'a'ic te yisime, te jich ya xc'atp'uj te bit'il tan te sniche. Melel la awilayic te p'ijubtesel soc te mandaliletic yu'un te Cajwaltic te Spisil ya xju' yu'un, ja' te Ch'ul Dios yu'un Israel.

Jeremías 51:57

Te Muc' Ajwalil, te Ajwalil Spisil ya xju' yu'une, ya yalbey xan sc'oplal: —Ya me cac' xyacub te jtsobwanejetic yu'un Babilonia, te mach'atic p'ijic yu'un, soc te ajwaliletic, te mach'atic te tulan yat'el yich'ojic, soc te soldadoetique, ya me xyalic ta lum yu'un swayelic sbajt'el q'uinal te ma xwijq'uix sitic yu'une.

Jeremías 51:39

C'alal ya xtoy xq'uixnal ya yaiyic, ay me bi ya cac'bey yuch'ic c'oem, ja' me te uch'balil te ya xyacubic yu'une, soc te ya xch'aybey q'uinal yaiyic yu'une. Jich me ya xch'ayic ta q'uinal yu'un swayelic sbajt'el q'uinal, te ma xwijc' sitic yu'une. Jo'on Ajwalilon, jich ya cal.

Isaías 27:4

Ma ba ilinemon ta stojol. Te ayuc ch'ixetic soc te yaq'uenale ya me xloc'on bael ta yac'beyel guerra, soc ya me jchic' ta jc'axel.

Salmos 68:2

Jich ya xch'ayic bael te bit'il ch'ail ya xch'ay bael ta ic', ya x'ulubic jichuc chabec' ta c'ajc'; jc'axel ch'ayemic ta stojol Dios te mach'atic amen yo'tanique.

2 Samuel 13:28

Jich la yalbey te abatetic yu'une: —Ya me awilic ta lec te Amnón te c'alal yacubenix yu'un te vino. Te c'alal ya calbeyex te ya amilique, milaic me. Ma me xiwex ta smilel, melel jo'on jmandal. Ja' yu'un ma me xiwex, ayuc me yip awo'tanic ta spasel —xi' ta stojol te swinictaque.

1 Samuel 25:36

Te c'alal c'ot te Abigail ta banti ay te Nabal, jun yo'tan yac ta pas-q'uin ta sna, sq'uin muc' ajwalil yilel te yac ta spasele. Mero bin nax yo'tan soc buen yuch'oj. Ja' yu'un ma'yuc bi la yalbey ja' to ta xchebal c'aal.

Salmos 118:12

La sjoytayonic jichuc xchanul chab, pero te sc'ajc'al yo'tanic tup' ta ora, jich bit'il ya xc'ajc' ch'ixetic; ta swenta Cajwaltic la yich'ic jinel cu'un.

Isaías 47:14

Ja'uc me to, pajalic soc te taquin ac; ora nax ya xc'ajq'uic, ma xju' ya scoltay sbaic loq'uel a. Melel te c'ajq'ue ma jichuc nax te bit'il ac'ale, te ya xnajc'ajat ta sts'eel te ya aq'uixnaj abae.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Éxodo 5:12

Te israeletic bajt'ic ta spamal Egipto ta sleel te aque.

Éxodo 15:7

Ta smuc'ul awu'el la ajin mach'atic la scontroinat; til jichuc c'ajc' te awilimba, lajic ta c'ajq'uel jichuc ac.