Miqueas 4:1 - Bible in Tzeltal de Oxchuc y Tenejapa

¹ Ta slajibal c'aal tulan me ya xc'ot xan te wits ta banti ay te templo yu'un Cajwaltique. Ja' me te wits te c'ax toyol xane; ja' c'ax toyol yu'un a te yantic witstiquile. Spisil te nacionetic ya me xtalic ta stojol.

Bible in Tzeltal Bachajón

¹ Ta slajibal c'ahc'al te wits yu'un te templo yu'un Jehová ha jolal ya xc'oht yu'un te witsiltique, toyol xan ya xc'oht yu'un te tsehletic, ya xbahtic tey a te pueblohetique.

Miqueas 4:1 Referans Kwoze

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Salmos 22:27

Ja'ex te sts'umbalex spisil ta jchajp ants-winiquetic, ja'ex ta apisilic te ayex ta spamal te balumilale, na'aic me te Cajwaltic. La'ic me, quejana abaic ta stojol.

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Hechos 2:17

“Jich ya yal te Diose: Ta nopol slajibal c'aal ya me jmal te Espíritu cu'un ta stojol spisil ch'ich'-baq'uet. Te aquerem-nich'anic soc awantsil-nich'anic, ya me yalic te sc'op Diose. Te jch'ieletic awu'unique ay me bi ya x'ac'bot yilic ta stelemal, Soc te mamaletique, ay me bi ya swaichinic.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Ezequiel 43:12

Ja' te mandalil yu'un templo: Ta spisil te q'uinal ay ta sjoyobal templo te ay ta ba witse, mero ch'ul awilal stuquel —xi' la caiy.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Isaías 54:2

Muc'tesa te nailpac' awu'une, ma x'axi' slimel xan bael te pac' te nainemat a; najt'esbeya bael te xch'ajnule, ts'apa ta lec te estacaetic yu'une.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Daniel 7:18

Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Daniel 2:35

Ta ora nax, mero ts'ubiltic jil ta jc'axel te hierro, ajch'al, bronce, plata, soc te oro. Jich ts'ubiltic te bit'il ya quiltic ts'ubil lum ta yorail verano te c'alal ya yich' wuyel te trigoe. Jc'axel jujch'iyot bael yu'un te iq'ue, ma'yuc bila chican jilel. Pero te ton jul ta stojol te loc'ombae, c'atp'uj ta jun mero muc'ul wits. Te witse la smac spisil te lumq'uinale.

Daniel 2:28

Pero ay jun nax Dios ta ch'ulchan te ya sna' te bila wocol ta na'ele, ja' la yac'bat ana' te bila ya xc'ot ta pasel ta patil baele. Ya me calbat awaiy, muc' ajwalil cu'untic, te bila swentail te awaiche, soc te bitic la awil la awaiy te c'alal wayalate:

Ezequiel 38:16

Jich me ya xc'o awac'beyic guerra te lum Israel cu'une. Ja'at Gog, ya me xc'o apots c'oem jichuc buen pimil tocal te lumq'uinale. Ta slajibal bael te c'aale, ya me cac' ya xtal awac'bey guerra te lum cu'une, swenta yu'un ja'at me ta awenta te ya cac'bey sna'ic te nacionetic te jo'on Ch'ul Dioson.

Jeremías 48:47

Ja'uc me to, ta patil ya me sta sc'aalelal te ya cac'bey xan yutsilal te Moab; jo'on Ajwalilon, jich ya cal —xi' te Cajwaltique. Ja' jich sc'oplal ta chajbanel yu'un Cajwaltic te Moabe.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Génesis 49:1

Te Jacob la yic' tel ta stojol te snich'nabe, jich la yalbey: —Tsoba abaic tel, ya calbeyex awaiyic te bila ya xc'ot ta pasel ta atojolic ta patil baele:

2 Pedro 3:3

Na'aic me stojol ta lec neeluc in to: Ta nopol slajibal c'aal ay mach'atic ya xlabanwanic, yu'un ja' nax baem yo'tanic ta spasel te bila amen ya smulanic spasele.

Daniel 10:14

Ja' yu'un tal cac'bat ana'bey swentail te bila ya xc'ot ta pasel ta stojol ta patil te alumale, melel te bila la awil la awaiye, ja' ya yac' ta na'el te bila ya xc'ot ta pasele”, xi' te Gabriele.

Daniel 7:22

ja' to te c'ot te Mamale te la xchajban ta stojil te lum yu'un te Dios mero toyole. Melel c'otix yorail sc'aalelal te ya yu'uninix spasel ta mandal te lum yu'un te Diose.

Salmos 48:1

Muc' te Cajwaltique; snujp' te ya yich' albeyel yutsil sc'oplal ta lum yu'un soc ta ch'ul wits yu'un.

Isaías 56:7

ya me quic' tel ta ch'ul wits cu'un, soc ya me cac'bey yutsil yo'tanic ta jna te banti ya quich' c'oponele. Ya me jtsacbey te chambalam te scojt'ol chic'bil, soc te yantic milbil majt'anil ya yac'bonic ta scajtijib cu'une. Melel te jna jamal ya x'albot sc'oplal te ja' jnae yu'un spisil lumetic te ya sc'opononic tey a, xi' me sc'oplal.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Zacarías 14:10

Ta spisil te slum-sq'uinalic ya me xc'atp'uj ta muc'ul spamlej, ya xjajch' ta Geba c'alal ta Rimón, te ay ta sur yu'un Jerusalén. Te Jerusalén toyol me ya xjil yu'un, ay me mach'atic ya x'ochic ta nainel tey a, ya xjajch' ta yochibal lum te Benjamín sbiile, ja' to ta banti ay te yochibal lum ta namey, soc ja' to ta yochibal lum te Xujc' sbiile. Soc ya xjajch' ta toyol balal ts'ajc' Hananeel c'alal ta banti ya yich' pits'el te ts'usub yu'un te muc' ajwalile.