Miqueas 3:1 - Bible in Tzeltal de Oxchuc y Tenejapa

¹ Aiya awaiyic stojol yo'tic, ajwaliletic soc jtsobwanejetic yu'un Israel. ¿Yu'un bal ya acuy te ma'yuc ta awentaic ja'ex te ya ana'ic te bila stojil ta pasele?

Bible in Tzeltal Bachajón

¹ Patil hich la jcal: A'iya awa'iyic, príncipaletic yu'un Jacob, soc jtsobawetic yu'un te sna Israel, ¿ma bal hichuc ya sc'an te yac ana'ic te bin stojil ta pasele?

Miqueas 3:1 Referans Kwoze

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Isaías 1:10

Jtsobwanejetic yu'un Sodoma c'oemex, aiybeya awaiyic stojol sc'op te Cajwaltique; lum Gomorra, aiya awaiy stojol ta lec te bitic ya yac'bat anop te Dios cu'untique.

1 Corintios 6:5

Te bit'il jich la calbeyexe, yu'un ya cac' xq'uexawex yu'un te bila ya apasique. ¿Yu'un bal ma'yuc jtuluc awermano te ay sp'ijil yo'tan yu'un xchajbanel te c'op awu'unique?

Amós 4:1

Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Salmos 14:4

Ma'yuc bi ya sna'ic te mach'atic amen yat'elique. Ja'ic ya swe'bonic c'oem te lum cu'une, jich ya slajinic te bit'il mach'a ya swe' waj. Ja' te mach'atic ma sc'anbeyic coltayel ta stojol te Cajwaltique.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.

Miqueas 2:13

Dios me ya sjambey bael te sbee, ja' me ya st'unic bael; ya me xloq'uic bael ta sti'il sts'ajc'ul te lume. Ja' me muc' Ajwalil yu'unic te Cajwaltique, ya me xneelaj ta beel yu'unic.

Nehemías 13:17

Ja' yu'un jich ora la calbey ta sit te jwolwanejetic ta Judá: —¿Bi yu'un te ya apasic te bila amene, te ya awac' bolobuc sc'oplal te sc'aalelal cux-o'tane?

Isaías 10:2

Ma sbelaluc ya achajbanic te mach'atic peq'uelique; xujt' ma x'ana'beyic bitic ay ta swentaic te mach'atic me'baetic ay ta jlumale. Ya awilbeyic swocol te me'ba antsetique, soc ya awelc'anic te me'ba alaletique.

Ezequiel 22:6

Tey ayic a te ajwaliletic yu'un Israel te nainemic ta awolilic, te ya spasic bayal ta jchajp miltombae.

Ezequiel 34:3

Te ja'exe ya awuch'beyic sleche, ya apas ac'u'inbeyic stsotsil, soc ya amil ati'ic te banti mero jujp'enique. Pero ma ba ya acanantayic ta stsojbol te chijetique.

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.