Miqueas 2:2 - Bible in Tzeltal de Oxchuc y Tenejapa

² Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Bible in Tzeltal Bachajón

² Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Miqueas 2:2 Referans Kwoze

Isaías 5:8

Ya me awil awocolic ja'ex te ya amanulayic bayal naetic, te ya aleic bayal aq'uinalique. Ja' to ya ac'an te atuquel ya awentain spamal te q'uinale, te ma'yuc mach'a jtuluc ya awaq'uix tey a; soc jich ya anajc'an abaic te bit'il ja'ex nax yajwalex yilel te lumq'uinale.

Amós 8:4

Aiya awaiyic stojol, ja'ex te ya atenic ta uts'inel te alumalic te peq'uel ayique, soc te ya awuts'inic te me'baetic ta alumal;

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Ezequiel 18:12

teme ya yuts'in te me'ba soc te mach'a ay swocole; teme ya yelc'anbey sbiluc te yantique; teme ma ba ya sujt'esbey te bi ac'bot ta swenta prendal yu'un te mach'atic ay sbet yu'une; teme ja' ya smuc'ulin yo'tan te lotil diosetique; soc teme ya spas te bitic ilaybil cu'une;

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Miqueas 3:9

Ajwaliletic soc jtsobwanejetic yu'un Israel, aiya me awaiyic stojol ta ora to. Te ja'exe ya awilayic te bila toj ta pasele; ja' ya ajinic spisil te bila toj aye.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

2 Reyes 9:26

Jich la yal: “Jich bit'il te wojey la quilbey te xch'ich'el Nabot soc te snich'nabe, jich ni me ya cac'bat atoj uuc li' ta q'uinal in to. Jo'on Ajwalilon te la cal in to”, te xi' te Cajwaltique. Ja' yu'un tsaca, ac'a bael ta sq'uinal Nabot, jich nix te bit'il yaloj te Cajwaltique —xi' te Jehú.

Éxodo 20:17

“Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

Job 31:38

Te lumq'uinal cu'un ma ba ya slebon jmul ta ch'ulchan, soc ni ja'uc te surcoetic ay swocolic ta oq'uele.

1 Reyes 21:1

C'ax c'aal ta patil, ay jtul winic ta lum Jezreel te Nabot sbiil, ay sts'usubil ta lum, ay ta nopol spalacio te Acab, te muc' ajwalil yu'un Samaria.

Ezequiel 8:17

Te Cajwaltic la yalbon: —¿La bal awil? Ma tic'uc ya yaiy a te lum Judá te bitic yacalic ta spasel te ilaybil sbae, la to snojesic xan ta bitic amen a te lumq'uinale. Tal yac'bonic xan yich' yip quilimba, te ya yaq'uic te ya xjul stuil ta jni'e.

Ezequiel 22:13

‘Mero ilinem co'tan yu'un te ya awaiyic uts'inwanej soc milaw.

Ezequiel 33:26

Ora nax ya xbajt' awo'tanic ta awat'ejibic ta guerra, ya apasic te bitic ilaybil cu'une. Ta apisilic ya awaiyic mulwej. ¿Ya bal acuyic te ya awu'uninic te lumq'uinale?’ xi' te Cajwaltic”, uta me.

Ezequiel 46:18

Te ajwalil ma'yuc mach'a ya xju' ya spojbey sq'uinal. Teme ya yac'bey sq'uinal te snich'nabe, tey nix me ac'a sloq'uesbey ta sq'uinal. Jich me spisil ay sq'uinalic, soc jich ma xpujc' bael a te lum cu'une —xi' te Cajwaltique.

Amós 2:7

Ya stenic ta uts'inel soc ya spejc'anic te mach'atic me'baetique; soc ma xyac'beyic lequil chajbanel te mach'atic peq'uelique. Te winic soc nix te snich'ane, jtul nax ants ayic ta sc'oponel, jich ya sboltesbonic sc'oplal te jch'ul-biile.

Miqueas 6:12

Te jc'ulejetic tey ta lum ja'ic spisilic j'uts'inwanejetic; jpas-lotetic soc jlo'laywanejetic spisilic te yajwale.

Isaías 3:14

Te Cajwaltic ya yic' te mamaletic ich'bilic ta muc' soc te jtsobwanejetic yu'un te lum ta yalbeyel ta jamal te smulique: —Ja'ex te yacalex ta sjinel te ts'usubiltic cu'un; yacalex ta yelc'anel te me'baetique, te bi ya awelc'anic ya aq'uejic ta anaic.

Ezequiel 45:9

“Jo'on Ajwalilon te jich ya cale: ¡Ajwaliletic yu'un Israel, tic'aniquix a! Ijq'uitayaiquix te abolilic, soc te aweleq'uique. Toj x'at'ejex, ja' xapasic te bila yich'oj swentaile. Ma xawelc'anbeyiquix sq'uinalic te lum cu'une. Jo'on Ajwalilon te jich caloje.

Amós 4:1

Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.