Miqueas 1:8 - Bible in Tzeltal de Oxchuc y Tenejapa

⁸ Jich yu'un ya x'oc'on scaj te bayal te mel-o'tan ya caiye; ma'yuc jxanab soc t'anal ya xbeenon. Yacon ta ajc'an jichuc ja'mal ts'i', soc ta aw jichuc alal avestruz-mut.

Bible in Tzeltal Bachajón

⁸ Ha yu'un te ya x'oc'on soc ya x'ahcanajon; mayuc jtep soc watalon a ya xbehenon; ya x'ahcanajon hich te bin ut'il ha'mal ts'i' soc ya x'awonon hich te bin ut'il avestruz-mutetic.

Miqueas 1:8 Referans Kwoze

Isaías 22:4

Jich yu'un la cal: —Q'ueja abaic ta jtojol, ya jc'an ya x'oc'on ta c'axem to xan; yu'un ma xju' ya awac'bon smuc'ul co'tan, melel jinix te jlumale —la cut.

Jeremías 9:19

C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

Isaías 21:3

Ya xnijc' te jbaq'uetale, ya yac'bon jwocol te xc'uxule, jich bit'il swocol ta alajel te antse. Te mel-o'tan ma xyac'bonix caiy stojol c'op, te muc'ul xiwel ma xyac'bonix quil q'uinal.

Isaías 16:9

Ja' swentail te ya x'oc'on yu'un te ts'usubiltic ta Sibma, soc nix te yu'un Jazer, soc ya jmal ya'lel jsit yu'un te Hesbón soc te Eleale. Melel te sit, te bitic sc'oplal ya yich' tulel loq'uel, ma xju'ix ta tsobel ta scaj te jajch'ix aw yu'un guerra.

Isaías 13:21

Ja' nax tey ya xnainic te chambalametic yu'un te jochol q'uinale, ja' nax ya snojesic nanatic te xcuj-mutetic, ja' tey ya xnainic a te mutetic avestruz sbiilic, soc ja' nax me ya xtajinic tey a te bol tentsunetique.

Salmos 102:6

Jich c'oemon te bit'il xcuj-mut ta jochol taquin q'uinal; jich c'oem bit'il xcuj-mut te ya xnain ta antiguo ts'ajq'uetique.

Job 30:29

Ja' pajalonix soc te ja'mal ts'i'etic, soc ja' pajalonix soc te avestruz-mutetique.

1 Samuel 19:24

Soc la xch'oj loq'uel sc'u'-spac', jich yac ta aq'uel ta c'op yu'un Dios ta stojol Samuel, jich la spas sjunal c'aal soc sjunal ajc'ubal. Tey chicnajem tel te c'op te: “¿Ja' bal j'alwanej yu'un Dios uuc te Saule?” te xie.

Isaías 13:22

Ja' nax tey ya x'awunic ta muc'ul naetic te ja'mal ts'i'etic, soc te bay t'ujbil palacioetic tey me ayic a te ja'mal jti'awal ts'i'etique. Nopolix ya xc'ot yorail te Babilonia; ma'yuquix bayal c'aal —xi' te Cajwaltique.

Isaías 32:11

Ja'ex te jich nax ayexe, te ma'yuc lec ay sc'oplal ta awo'tanic, xiwanic me; ja'ex te awich'oj abaic ta muc' ya awaiyique, xiwuc me awo'tanic. Loq'uesaic te ac'u'ique, ja' xalapic te ch'ixal paq'uetic, ja' me señail sc'uxul te mel-o'tane.

Ezequiel 32:18

—Ja'at winic, joina ta sc'ajintayel antsetic ta yantic nacionetic te c'ayoj swenta lajel in to, te ya yich' c'ajintayel ta stojolic te bayal ants-winiquetic ta Egipto soc ta stojolic te jwentainwanejetic yu'unique: “Te mach'atic bayal yipic, ya xyalic coel ta ye'tal balumilal, ja' ya sjoinic te mach'atic coemiquix bael ta muquenale.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

2 Reyes 18:13

Ta xchanlajunebal ja'wil yat'el ta muc' ajwalil a te Ezequías, te Senaquerib, muc' ajwalil yu'un Asiria, la yac'bey guerra ta spisil te lumetic ayic sts'ajc'ul ta Judá, la yu'unin te lumetique.

Ester 4:1

Te c'alal la yaiy te Mardoqueo te bila c'otix ta pasel, la xch'i' sc'u' swenta seña mel-o'tan, la slap ch'ixal pac' soc la smojt'es tanul c'ajc' ta sjol. Jajch' sbeentay te lume, yac ta tulan aw soc xc'uxul mel-o'tan.